جانكەشتىدە فۋتبولعا بيلەتى بولعان، ءبىراق ونى كۇزەت ستاديونعا كىرگىزبەگەن
«ستاد دە فرانس» ماڭىندا شاحيد بەلدىگىن جارعان جانكەشتىلەردىڭ بىرىندە فرانسيا- گەرمانيا ويىنىنا بيلەت بولعان،
دەپ حابارلادى The Wall Street Journal جۋرناليسى سەم ۋوكەر.
الايدا كۇزەتشىلەردىڭ ءبىرى لاڭكەستى ويىننىڭ 15- مينۋتىندا تىنتە باستاعاندا، ول جارىلعىش زاتتى جارىپ جىبەرگەن.
ستاديونعا جاقىن جەردە تاعى ەكى جارىلىس ورىن الدى.
جۇما كەشكە پاريجدە تەررورلىق اكتى سەرياسى ورىن الدى. بەلگىسىز بىرەۋلەر فرانسۋزدىق استانانىڭ 10- وكرۋگىندەگى مەيرامحانالاردىڭ بىرىندە اتىس ۇيىمداستىردى. فرانسۋز پرەزيدەنتى فرانسۋا وللاند قاتىسقان فرانسيا مەن گەرمانيا فۋتبول قۇراماسىنىڭ جولداستىق ماتچى ءوتىپ جاتقان «ستاد دە فرانس» ستاديونىنا جاقىن جەردە تاعى ءۇش جارىلىس ورىن الدى.
بۇدان باسقا، 11- وكرۋگتە «باتاكلان» تەاترىندا روك- كونسەرتتە بەلگىسىز بىرەۋلەر ادامداردى كەپىلگە العان. پاريج مەرى لاڭكەستىك سالدارىنان كەمى 150 ادام قازا تاپقانىن مالىمدەدى. 110 نان استام ادام كەپىلگە العان كەزدە قازا تاپقان، تاعى 40 ادام استانانىڭ باسقا اۋداندارىندا ۇيىمداستىرىلعان لاڭكەستىك قۇربانى بولدى.
فوتو: © AP Photo/ Michel Euler
