ەۋرو وداق تەررورلىق وقيعالارمەن بىرلەسىپ كورەسپەك
بۇل تۋرالى سەنبى كۇنى ە و ۇكىمەتى مەن ەۋروپالىق مەملەكەتتەر باسشىلارىنىڭ جانە ەۋروپالىق ينستيتۋتتار باسشىلارىنىڭ بىرلەسكەن مالىمدەمەسىندە ايتىلدى.
«ەۋروپالىق وداق پاريجدەگى تەررورلىق وقيعاعا قاتتى الاڭداۋلى جانە قايعىعا ورتاقتاسادى. بۇل - ءبىزدىڭ بارلىعىمىزعا جاسالعان شابۋىل. ءبىز بۇل زۇلىمدىققا قارسى بىرلەسىپ، اياۋسىز كۇرەسەتىن بولامىز»، دەلىنگەن مالىمدەمەدە.
ەۋروپا ەلدەرىنىڭ مەملەكەت باسشىلارى فرانسيانىڭ قايعىسىمەن ورتاقتاسىپ، ەۋروپالىق دەڭگەيدە ونىڭ قاۋىپسىزدىگى ءۇشىن بارلىعىن جاسايتىنىن ايتتى.
ە و ليدەرلەرىنىڭ مالىمدەمەسىندە: «فرانسيا - ۇلى، قۋاتتى مەملەكەت. ونىڭ ەركىندىك، دەموكراتيا قۇندىلىقتارى، تەڭدىك، باۋىرلاستىق قاسيەتى ەۋرو وداققا قۋات بەرىپ كەلگەن، بەرە بەرەتىن دە بولادى»، دەپ ايتىلعان.
«ءبىز، ەۋروپالىقتار، 2015 - جىلدىڭ 13 - قاراشاسىن ەۋروپاداعى قارالى كۇن دەپ سانايمىز. بارلىق ەۋروپالىقتاردى دۇيسەنبى كۇنى ساعات تۇسكى 12-00-دە 1 مينۋت ۇنسىزدىك جاريالاۋعا شاقىرامىز»، دەلىنگەن مالىمدەمە قورىتىندىسىندا.
