جاپونيادا ساقتىق شارالارى بارىنشا كۇشەيتىلدى

استانا. قازاقپارات - فرانسيادا جاسالعان لاڭكەستىك شابۋىلدى رەسمي توكيو جۇرەكسىز جاۋىزدىققا تەڭەدى. ال ەل پرەمەر- ءمينيسترى سيندزو ابە فرانسيا حالقىمەن بىرگە قايعىعا باتقانىن مالىمدەدى. ءوزىنىڭ بۇل مالىمدەمەسىن ول تۇركيادا ءجۇرىپ جەتكىزدى.

 سونداي- اق سيندزو ابە بۇكىل ەل ىشىندە لاڭكەستەرگە قارسى ارەكەتتەردىڭ بارىنشا كۇشەيتىلەتىنىن ايتتى.

سيندزو ابە، جاپونيا پرەمەر- ءمينيسترى:

 - پاريجدەگى قاستاندىقتان مۇنشاما كوپ ادامنىڭ قازا بولۋى ادامنىڭ ازا بويىن قازا ەتەدى. ولاردىڭ اۋىر قايعىسىنا ورتاقپىز. قانداي جاعداي بولسا دا لاڭكەستىككە جول بەرمەۋگە ءتيىسپىز. جاپونيا مۇنداي قاۋىپ- قاتەردىڭ الدىن الۋ ءۇشىن الەمدىك قاۋىمداستاقپەن تىعىز بايلانىستا بولادى.

  ال توكيودا تۇرعىندار فرانسيا ەلشىگى   الدىنا گۇل شوقتارىن قويىپ، كوڭىل ايتۋدا. مۇندا ءتارتىپ ساقشىلارى كەزەكشىلىكتە تۇر. ىشكى ىستەر مينيسترلىگى پاريجدەگى جارىلىستان قازا بولعاندار اراسىندا جاپون ازاماتتارىنىڭ بار- جوعىن انىقتاۋعا كىرىسكەن. الايدا پاريجدەگى جاپوندىق ءىرى كومپانيالار مەن ساۋدا وكىلدەرى كوز جۇمعاندار اراسىندا وتانداستارىنىڭ جوق ەكەنىن حابارلاپتى.

 قازىرگى ۋاقىتتا فرانسيادا تۋريستىك ساپارمەن 300 جاپون ازاماتى ءجۇر. ال ەلدەگى تۋريستىك اگەنتتىكتەر بۇل ەلگە ساپار شەگەتىن رەيستەردى كەيىنگە شەگەرگەن.

www.24.kz