10:38, 15 - قاراشا 2015 | GMT +5
گرەنلانديادا جاھاندىق جىلىنۋ سالدارىنان الىپ مۇزدىق ەري باستادى
استانا. قازاقپارات - گرەنلانديادا، عالامشارداعى ەڭ ءىرى ارالدىڭ قالقانى سانالاتىن «Zachariae Isstrom» مۇزدىعى جارىلا باستادى.
عالىمداردىڭ ايتۋىنشا، بۇل قۇبىلىس عالامشارداعى تەمپەراتۋرانىڭ كوتەرىلۋىنە بايلانىستى. مۇزدىق جىلدام قارقىنمەن ەرىپ جاتقاندىقتان، الەمدىك مۇحيت دەڭگەيى شامامەن 50 سانتيمەترگە كوتەرىلۋى مۇمكىن، دەپ جازادى شەتەلدىك ب ا ق.
گرەنلانديا مۇزدىقتارى تولىقتاي ەرىگەن جاعدايدا، الەمدىك مۇحيت دەڭگەيى 6 مەترگە كوتەرىلەدى. سونىڭ سالدارىنان مۇحيت ماڭىنداعى كوپتەگەن اۋدانداردى سۋ باسۋى مۇمكىن. ارال جاعالاۋىنان جاڭا مۇزدىقتار بولىنسە، جىل سايىن الەمدىك مۇحيتقا 5 ميلليارد توننا سۋ قوسىلاتىنى بەلگىلى.
وسى ايدىڭ سوڭىندا پاريجدە ب ۇ ۇ كونفەرەنسياسى وتەدى دەپ جوسپارلانعان. وعان الەمنىڭ كوپتەگەن ەلدەرىنىڭ كوشباسشىلارى قاتىسادى. وندا جاھاندىق جىلىنۋعا قارسى ءىس- قيمىل ماسەلەلەرىنە قاتىستى كەلىسىمدەر جاسالىنباق.
