قۇلشىلىقتاعى ورىس وقۋشىلارى جۇرتتى قايران قالدىردى - كەسكىن

استانا. قازاقپارات - بيىلعى كۇزدە اشىلعان ماسكەۋ ورتالىق مەشىتىمەن تانىسقان ءبىر توپ مەكتەپ وقۋشىلارىنىڭ جيىلىپ ناماز وقىعانى تۇسىرىلگەن بەينەجازبا الەۋمەتتىك جەلىلەردە كەڭ تانىمالدىلىققا يە بولدى.

ينتەرنەت كەڭىستىگىنە تاراپ كەتكەن بەينەجازبادا مەكتەپ فورماسىنداعى ۇل-قىزدار سىنىپتاس بالانىڭ ارەكەتىن قايتالاپ، ناماز وقىپ جاتقانى بايقالادى.

Facebook قولدانۋشىسى ءانۋار وماروۆ جەكە پاراقشاسىندا ۇجىمدىق نامازدى ءوزىنىڭ ۇلى ءداۋىت وتكىزگەنىن حابارلادى. وقۋشىلار مەشىتپەن تانىسۋ كەزىندە بەسىن ناماز ۋاقىتى كىرىپ، ءداۋىتتىڭ سىنىپتاستارى ونىمەن بىرگە نامازعا تۇرعان. ايتا كەتسەك، بۇل وقۋشىلاردىڭ بارلىعى دا ورىس ۇلتىنان.

وقۋشىلار نامازىن سىنىپ جەتەكشىسى تەلەفون كامەراسىنا جازىپ الدى. ناماز سوڭىنان مۇعالىم ولاردان قۇلشىلىقتا قۇدايدان نە تىلەگەنىن سۇرايدى. جاسوسپىرىمدەردىڭ ءبىرى «زور دەنساۋلىق»، ەندى ءبىرى «باقىت» سۇراعاندىقتارىن جارىسا ايتتى.

 E- ISLAM