00:04, 15 - قاراشا 2015 | GMT +5
ەير استانا پاريج باعىتىنداعى رەيستەرىن جالعاستىرا بەرەدى
استانا. قازاقپارات - «ەير استانا» پاريج باعىتىنداعى رەيستەرىن جالعاستىرا بەرەدى.
بۇل تۋرالى قازاقپارات تىلشىسىنە «ەير استانا» كومپانياسىنىڭ بيلەتتەردى برونداۋ جانە اقپارات ورتالىعىنان حابارلادى.
«ەير استانا» ءوزىنىڭ پاريج باعىتىنداعى رەيستەرىن ارى قاراي دا جالعاستىرا بەرەدى. بيلەتتەر ساتىلىپ جاتىر. بىزگە بيلەت ساتۋدى توقتاتۋ تۋرالى ەشقانداي دا تاپسىرما بەرىلگەن جوق. جالپى، ءبىزدىڭ ۇشاقتارىمىز پاريجگە سارسەنبى، جۇما جانە سەنبى كۇندەرى قاتىنايدى»، - دەدى «ەير استانا» كومپانياسىنىڭ بيلەتتەردى برونداۋ جانە اقپارات ورتالىعىنان.
ەسكە سالا كەتەيىك، جۇما كۇنى كەشكە فرانسيانىڭ استاناسى پاريجدە لاڭكەستىك ارەكەتتەر ورىن الدى. جەرگىلىكتى پروكۋراتۋرانىڭ حابارلاۋىنشا، تەررورلىق اكت ءبىر ۋاقىتتا التى جەردە ورىن العان. وقيعا سالدارىنان 153 ادام قازا تاۋىپ، 200 دەن اسا ادام جاراقاتتانعان.
اۆتور: مارلان جيەمباي
