بىرىككەن اراب امىرلىگىندە قازاقستاندىقتار كومانداسى دۋباي مارافونىنا قاتىستى - فوتو
شارانى Nike سپورتتىق تاۋار ءوندىرۋشىسى ۇيىمداستىردى.
ال قازاقستاندىق كوماندانىڭ قاتىسۋىن «ەير استانا» وتاندىق اۆياتاسىمالداۋشى قولدادى.
ب ا ءا- دەگى «ەير استانا» وكىلى قارلىعاش ومىربايەۆانىڭ ايتۋىنشا، دۋبايدىڭ بەدەلدى «داۋنتاۋن» اۋدانىندا وتكەن جارىسقا ءتۇرلى ۇلت، ءار جاستاعى 13 مىڭنان استام ادام قاتىستى. Qazaqs in Emirates كومانداسى ب ا ءا- دە ءبىر اتاۋلى تۇراقتى تۇراتىن قازاقستاندىقتار قوعامداستىعىنىڭ مۇشەلەرى - ون التى قاتىسۋشىدان قۇرالدى. وتانداستار 10 شاقىرىم قاشىقتىقتا جوعارى ناتيجە كورسەتتى. «WeRunDXB» - Nike كومپانياسىنىڭ جاھاندىق مارافوندار سەرياسىنىڭ كەزەڭى. ول ەۋروپا، لاتىن امەريكاسى، ازياداعى الەمنىڭ 18 قالاسىندا ۇيىمداستىرىلادى.
Qazaqs in Emirates قوعامداستىعى دۋبايداعى ق ر باس كونسۋلدىعىنىڭ قولداۋىمەن 2014 -جىلى قۇرىلدى. امىرلىكتىڭ ب ا ق دەرەكتەرىنە سايكەس ب ا ءا- دەگى قازاقستاندىقتار ت م د ەلدەرىنىڭ سانى كوپ دياسپوراسىنىڭ ءبىرى سانالادى. ولاردىڭ باعالاۋىنشا، امىرلىكتە بەس مىڭداي وتانداستار تۇرادى. ولاردىڭ باسىم بولىگى جەرگىلىكتى مۇناي- گاز كومپانيالارىندا جۇمىس ىستەيدى نەمەسە جەكە بيزنەستەرى بار.
