14:15, 16 - قاراشا 2015 | GMT +6
الماتى وبلىسىندا «دوستىق» كەدەن بەكەتىنىڭ باس مامانى پارا الدى دەگەن كۇدىككە ءىلىندى
تالدىقورعان. قازاقپارات - الاكول اۋداندىق سوتىنىڭ وندىرىسىنە ق ر ق ك 366-بابى 3- ءبولىمى 4-بولىمشەسى بويىنشا ايىپ تاعىلعان «دوستىق» كەدەنىنىڭ باس مامانىنا قاتىستى قىلمىستىق ءىس ءتۇستى.
الماتى وبلىستىق سوتىنىڭ باسپا ءسوز قىزمەتىنىڭ اقپاراتىنشا، الدىن الا تەرگەۋ ورگاندارى ايىپتالۋشى دەلدال ارقىلى بىرنەشە رەت جالپى سوماسى 174600 تەڭگەنى قۇرايتىن پارا العانىن انىقتادى. بۇل اقشا ءۇشىن ول ق ح ر- دان اكەلىنگەن كونتەينەرلەردى وزبەكستان رەسپۋبليكاسىنا وتكىزۋگە كومەكتەسكەن.
