اتتەڭ، اقسەلەۋ سەيدىمبەكتىڭ التى مىڭ كىتابى-اي

استانا. قازاقپارات - «اقسەلەۋ سەيدىمبەكتىڭ ءبىر كەزدەگى: «كىتاپحانام قادىر مىرزا ءاليدىڭ كىتاپحاناسىنان باي» دەگەنىنە بىرەۋ سەندى، بىرەۋ سەنبەدى.

بۇل كىسىنىڭ كىتاپحاناسى ءوزىنىڭ كوزى تىرىسىندە بەس رەت ۇلكەن سۇرىپتاۋدان ءوتىپتى. اقىرىندا ءوزى تاريحي-فيلولوگيالىق سالاعا توقتاعاندىقتان، كىتاپحاناسىندا وسى سالاعا قاتىسى بار كىتاپتاردى عانا قالدىرىپتى. سونىڭ وزىندە سورەدەگى كىتاپتار سانى 10000 نان اسقان ەكەن. زاماننىڭ قىسىلتاياڭ شاعىندا ماڭدايعا بىتكەن جالعىز ۇلى ۇيلەنىپ، كىتاپحاناسىنا ەكىنشى رەت سۇرىپتاۋ جاساپتى.

سول تۇستا بۇل كىسىنىڭ التى مىڭ كىتابىن ساتىپ كەلىن تۇسىرگەنىن بۇگىندە جۇرت اڭىز عىپ ايتادى. ءبىر ءماتتاقام ەۆرەيگە 6 مىڭ كىتابىن 1 ميلليون تەڭگەگە وتكىزگەن ەكەن سوندا. سول كىتاپتاردىڭ ىشىندە اباي وقىپ، استىن سىزعان، مۇحتار اۋەزوۆ ۇزاق ۇڭىلگەن دجون درەپپەردىڭ «يستوريا ەۆروپەيسكوگو ۋمستۆەننوگو رازۆيتيا» دەگەن ەكى تومدىق كىتابى مەن ع. مۇسىرەپوۆ ءوز قولىمەن سىيلاعان 1700 -جىلى لەيپتسيگتە جارىق كورگەن التىن قۇراننىڭ ەۆرەيدىڭ قولىندا كەتكەنىنە ءىشى اشىپ، جەر باۋىرلاپ جاتىپ قالعان كەزى دە بولعان. كەيىن ءوزى كىتاپ مۋزەيىنىڭ ديرەكتورى مۇقان ماماجانوۆقا ايتىپ ءجۇرىپ، زامانىندا اباي ەلىنەن مۇقاڭنىڭ قولىنا، مۇحاڭنان ءىسلام جارىلعاپوۆتىڭ قولىنا كوشكەن، ءىسلام جارىلعاپوۆتان ءوزىنىڭ قولىنا تيگەن ابايدىڭ قولتاڭباسى بار كىتاپتى كىتاپ مۋزەيىنە الدىرىپتى»، دەيدى جازۋشى كوپەن امىربەك.

www.bmtv.kz