قازاق جىگىتى مەن قىرعىز قىزىنىڭ ماحابباتى بەينەلەنگەن قازاقستاندىق فيلم ازيالىق «وسكارعا» جولداما الدى

استانا. قازاقپارات - قازاقستاندىق «كۇركە» ءفيلمى الەمدىك دەڭگەيدەگى كينوفەستيۆالدەردىڭ باس جۇلدەسىنە ۇسىنىلدى دەپ حابارلايدى استانا ارناسى.

«كۇركە» دەپ اتالاتىن ارت- حاۋس جانرىنداعى كوركەم فيلم اۆستراليادا وتەتىن «ازيالىق وسكار» دارەجەسىندەگى ونەر بايقاۋىنىڭ شورت- پاراقشاسىنا ەنگەن.

كارتينا بۇعان دەيىندە ت م د، ەۋروپا جانە ازيا ەلدەرىندە بىرنەشە كينوبايقاۋلاردا ۇزدىكتەر قاتارىنان تابىلعان. فيلمگە قازاق جىگىتى ساپار مەن قىرعىز قىزى ايشۇرەك اراسىنداعى عاشىقتىق سەزىم ارقاۋ بولعان. مال باعىپ ءجۇرىپ تانىسقان ەكى جاستىڭ كۇركە ىشىندەگى ءومىرى شەبەر سۋرەتتەلەدى.

كارتينانىڭ تابيعاتى ەرەكشە. فيلم كورەرمەندى ءۇنسىز وتىرىپ كۇلدىرەدى، ءۇنسىز وتىرىپ ويعا باتىرادى، - دەيدى رەجيسسەر. فيلم قازاقستاندىق كورەرمەن نازارىنا كەلەسى جىلدىڭ باسىندا ۇسىنىلادى.