09:47, 14 - قاراشا 2015 | GMT +5
اتىراۋدا ەكى پوليتسەي الاياقتىق جاسادى دەپ ايىپتالۋدا
اتىراۋ. قازاقپارات - اتىراۋدا الاياقتىق پەن توناۋعا، سونداي-اق لاۋازىمدىق وكىلدىكتەرىن اسىرا پايدالانۋعا ايىپتالعان ەكى پوليتسيا سەرجانتىنا قاتىستى قىلمىستىق ءىس قوزعالدى.
«پوليتسيا قىزمەتكەرلەرىن اتىراۋ وبلىسى ءى ءى د-نىڭ ءوز قاۋىپسىزدىگى قىزمەتى ۇستادى. تەرگەۋ بارىسىندا انىقتالعانىنداي، ەشقانداي قاتىسى بولماسا دا ولار وزدەرىن كوشى-قون پوليتسياسى قىزمەتكەرلەرى رەتىندە تانىستىرىپ، سەرجانتتار وزبەكستان ازاماتتارىن قورقىتىپ، توناعان. ولار جابىرلەنۋشىلەردىڭ باعالى زاتتارىن تارتىپ العان. جابىرلەنۋشىلەرگە كەلتىرىلگەن زالال 800 مىڭ تەڭگەدەن اسقان. قوزعالعان قىلمىستىق ءىس تەرگەۋ ءۇشىن ارنايى پروكۋرورعا بەرىلدى»، - دەپ حابارلادى وڭىرلىك ءى ءى د باسپا ءسوز حاتشىسى گۇلنازيرا مۇحتاروۆا.
اۆتور: قانات مامەتقازى ۇلى
