07:02, 14 - قاراشا 2015 | GMT +5
پاۆلودارداعى كوپقاباتتى ۇيلەردىڭ بىرىنەن ءشىل قۇسى تابىلدى
پاۆلودار. قازاقپارات - وبلىس ورتالىعىنداعى بەستۋجەۆ كوشەسىندەگى كوپقاباتتى ءۇيدىڭ كىرەبەرىسىنەن سۇر ءشىل قۇسى تابىلدى.
پاۆلودار ورمان جانە جانۋارلار الەمىن قورعاۋ جونىندەگى مەملەكەتتىك مەكەمەنىڭ مامانى ءلاززات ورالتايەۆانىڭ ايتۋىنشا، قالا تۇرعىندارى قۇستى تاۋىپ الىپ، كوپقاباتتى ءۇيدىڭ پودەزدىنە تاستاپ كەتكەن.
«كەيىن تۇرعىندار مەكەمەگە حابارلاسىپ، ءشىلدى قورىقشىلارعا تاپسىردى. ايتا كەتەرلىگى، قۇستىڭ ەشبىر جەرى جاراقاتتانباعان. ءبىر قىزىعى، ول ادامداردان قورىقپايدى. قازىرگى تاڭدا قاناتتىنى اقسۋ قالاسىنداعى جاس ناتۋراليستەر ستانساسىنا بەرۋ ماسەلەسى قاراستىرىلىپ جاتىر. جالپى، شىلدەر ەرتىس وزەنىنىڭ جايىلىمدارىندا كوپ كەزدەسەدى»، - دەيدى ل. ورالتايەۆا.
وسىدان ءبىرشاما ۋاقىت بۇرىن مەكەمە ماماندارى پريانيك ەسىمدى ءبىرقازاندى تاۋىپ الىپ، اقسۋداعى جاس ناتۋراليستەر ستانسياسىنا تاپسىرعان بولاتىن، دەپ حابارلايدى pavlodarnews.kz.
