ا ق ش- تا تالدىقورعاننىڭ باۋىرلاس قالاسى پايدا بولۋى مۇمكىن
كەزدەسۋدە وبلىس باسشىسى ءوڭىردىڭ الەۋمەتتىك- ەكونوميكالىق دامۋى، تابيعي-كليماتتىق جاعدايى مەن ولكە تاريحى تۋرالى باياندادى، دەپ حابارلايدى وبلىس اكىمدىگىنىڭ باسپا ءسوز قىزمەتىنەن.
كەزدەسۋ الدىندا ا ق ش- تىڭ باس كونسۋلى ءى. جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ ستۋدەنتتەرىمەن جانە پروفەسسورلىق- وقىتۋشىلىق قۇرامىمەن كەزدەستى. باسقوسۋدا ا ق ش ۋنيۆەرسيتەتتەرىمەن ىنتىماقتاستىق جانە ستۋدەنتتەر الماسۋ باعدارلاماسى جايلى كەڭىنەن اڭگىمەلەندى.
ءوز كەزەگىندە باس كونسۋل ىنتىماقتاستىقتىڭ جاڭا مۇمكىندىكتەرىنە جول اشاتىن وسىنداي كەزدەسۋ ۇيىمداستىرعانى ءۇشىن وبلىس باسشىلىعىنا العىسىن ايتتى. جيىندا مادەني بايلانىستاردىڭ ءتۇرلى باعىتتارى ءسوز بولىپ، ءبىلىم، اۋىل شارۋاشىلىعى جانە بيزنەس سالالارى بويىنشا تاجىريبە الماسۋ جايى تالقىلاندى.
سونىمەن قاتار اماندىق باتالوۆ ىنتىماقتاستىقتى ارتتىرۋ ءۇشىن باۋىرلاس قالا يدەياسىن ۇسىندى. بۇل ۇسىنىستى الماتىداعى ا ق ش باس كونسۋلى قولداپ، مارك مۋدي مىرزا بۇل ماسەلەنىڭ قاراستىرىلاتىنىن اتاپ ءوتتى. تاراپتاردىڭ جىلى دوستىق شىرايداعى جۇزدەسۋىن ەسكەرە وتىرىپ، جۋىردا ا ق ش- تا تالدىقورعاننىڭ باۋىرلاس قالاسى پايدا بولۋى مۇمكىن دەۋگە ابدەن بولادى.
