00:02, 15 - قاراشا 2015 | GMT +5
دەپۋتات ەلىمىزدەگى حالىق سانىنىڭ كوبەيۋىنە كوڭىلى تولمايتىنىن ايتتى
استانا. قازاقپارات - قازاقستاندىقتاردىڭ ورتاشا ءومىر ءسۇرۋ ۇزاقتىعى 72 جاسقا جۋىقتادى.
الايدا حالىقتىڭ دەنساۋلىعى ءالى كۇنگە جاقسارماي كەلەدى.
حالىق قالاۋلىلارى قازاقستاندىقتاردىڭ بۇگىنگى احۋالى مەن سانىنىڭ ءوسۋىن تىلگە تيەك ەتتى. دەنساۋلىق ساقتاۋ، ۇلتتىق ەكونوميكا مەن ىشكى ىستەر مينيسترلىگىنىڭ وكىلدەرى تۇرعىندار جاسىنىڭ ۇزارعانىن، ەكونوميكالىق جاعدايىنىڭ ءبىر قالىپتى ەكەنىن، ميگرانتتاردان كەلەر ءقاۋىپتىڭ بەتى قايتقانىن ايتتى.
ءبىراق حالىق سانىنىڭ كوبەيۋ كورسەتكىشى تومەن.
«قازاقستاندىقتاردىڭ ءومىر ءسۇرۋ جاستارى ۇزارعانمەن، حالىق سانىنىڭ ءوسۋ كورسەتكىشى كوڭىل تولتىرمايدى. وعان قوسا، دەنساۋلىعى ايتارلىقتاي جاقسارا قويعان جوق. مينيسترلىك وكىلدەرى ەسەپ بەرگەندە كەمشىن تۇستاردى دا ايتۋ كەرەك»، - دەدى ءماجىلىس دەپۋتاتى ايتكۇل ساماقوۆا.
دەرەككوز: الماتى ت ۆ
