كەلەسى جىلدان باستاپ ەڭبەكاقىمەن قاتار جاردەماقى دا كوبەيەدى

استانا. قازاقپارات - دارىلىك زاتتاردىڭ ساپاسىن قاۋىپسىزدىگى مەن قولجەتىمدىلىگىن قامتاماسىز ەتۋ ماقساتىندا قازاقستاندىق ۇلتتىق دارىلىك فورمۋليار جاسالاتىن بولادى.

وندا ەلىمىزدە تىركەلگەن بارلىق دارىلىك زاتتاردىڭ ءتىزىمى، ولاردىڭ كلينيكالىق دالەلدەنگەن تيىمدىلىگى جانە كەرى اسەرى تۋرالى اقپارات قامتىلادى.

بۇل دارىگەرلەر ءۇشىن عانا ەمەس، حالىق ءۇشىن دە قاجەت انىقتامالىق بولماق. بۇل تۋرالى دەنساۋلىق ساقتاۋ جانە الەۋمەتتىك دامۋ ءمينيسترى سالانى دامىتۋدىڭ 2016-2019 -جىلدارعا ارنالعان جاڭا «دەنساۋلىق» مەملەكەتتىك باعدارلاماسىن ءتۇسىندىرۋ بارىسىندا ايتتى.

جاڭا باعدارلاما اياسىندا قازاقستاندا مىندەتتى الەۋمەتتىك مەديتسينالىق ساقتاندىرۋ جۇيەسى ەنگىزىلمەك. وندا تۇرمىسى تومەن ازاماتتار ءۇشىن جارنانى مەملەكەت تولەسە، قىزمەتكەرلەر ءۇشىن بۇل مىندەتتى جۇمىس بەرۋشىلەر موينىنا الماق. سونداي-اق تامارا دۇيسەنوۆا الداعى جىلدىڭ 1 -قاڭتارىنان باستاپ ەنگىزىلەتىن ەڭبەكاقى تولەۋدىڭ جاڭا جۇيەسى بويىنشا بيۋدجەتتەن قارجىلاندىرىلاتىن مەكەمە قىزمەتكەرلەرىنىڭ جالاقىسى بىلىكتىلىگىنە قاراي ساتىلاپ ارتاتىنىن جەتكىزدى. جيىن بارىسىندا ارنايى الەۋمەتتىك كومەك جايى دا ءسوز بولدى.

تامارا دۇيسەنوۆا، ق ر دەنساۋلىق ساقتاۋ جانە الەۋمەتتىك دامۋ ءمينيسترى:

- 2016 -جىلدىڭ 1 -قاڭتارىنان باستاپ جاردەماقى %25 عا وسەدى. سونداي-اق ەڭ تومەنگى كۇنكورىس كولەمى قايتا قارالاتىن بولادى. ازىق-تۇلىك سەبەتىنە كىرەتىن ونىمدەردىڭ باعاسىنىڭ وسۋىنە وراي تومەنگى كۇنكورىس كولەمى دە كوبەيسە، ارينە، اتاۋلى الەۋمەتتىك كومەك تە ارتاتىن بولادى.

www.24.kz