14:52, 13 - قاراشا 2015 | GMT +5
بەردىبەك سوقپاقبايەۆتىڭ «مەنىڭ اتىم قوجا» شىعارماسى اعىلشىن تىلىنە اۋدارىلدى
استانا. قازاقپارات - الماتى وبلىسىنىڭ اكىمى اماندىق باتالوۆتىڭ قولداۋىمەن بۇگىن تالدىقورعاندا نيۋ- يوركتە «Metropolitan Classics» باسپاسىنان اعىلشىن تىلىندە جارىق كورگەن قازاقتىڭ اقيىق اقىنى مۇقاعالي ماقاتايەۆتىڭ تاڭدامالى شىعارمالارى مەن كورنەكتى جازۋشى بەردىبەك سوقپاقبايەۆتىڭ «مەنىڭ اتىم قوجا» پوۆەستەرىنىڭ تۇساۋكەسەرى ءوتتى،
دەپ حابارلادى وبلىس اكىمىنىڭ باسپا ءسوز قىزمەتىنەن.
اماندىق عابباس ۇلى قازاقتىڭ باي ادەبيەتى الەمدىك بيىككە كوتەرىلىپ، قازاق شىعارمالارى اعىلشىن تىلىندە وقىلاتىن بولعاندىعىنا ريزاشىلىعىن ءبىلدىرىپ:
- بۇل - ۇلكەن جەتىستىك. بۇگىن مىنە، ءحانتاڭىرىنىڭ مۇزبالاق اقىنى مۇقاعالي مەن بالالار جازۋشىسى بەردىبەك سوقپاقبايەۆتىڭ ەسىمدەرى نيۋ- يوركتىڭ تورىندە اتالىپ، قازاقتىڭ مەرەيىن اسىردى، - دەدى.
بۇل رەتتە اعىلشىن تىلىنە اۋدارىلعان ەكى شىعارمانى اعىلشىن تىلىندە سويلەتۋ حالىقارالىق قازاق پەن كلۋبىنىڭ پرەزيدەنتى بيگەلدى عابدۋلليننىڭ تاباندى ەڭبەگىنىڭ جەمىسى.
تۇساۋكەسەر راسىمىنە بەلگىلى جازۋشى سماعۇل ەلۋباي قاتىستى.
