اتىراۋلىق قازاق جىگىت فرانسيادا ءوز ارمانىنا قول جەتكىزدى
جىگىت اسپازدىققا دەگەن ماحابباتىنىڭ ارقاسىندا فرانسيادان ءبىراق شىقتى، ول ءبىر اي بويى اتاقتى باس اسپازشىلاردان ءتالىم الدى. قازاقستاندىق جاس اسپازدىڭ سۇحباتىن «اق جايىق» باسىلىمى جاريالادى.
باحتياردىڭ ايتۋىنشا، تاماق ازىرلەۋگە دەگەن قىزىعۋشىلىق بالالىق شاقتا پايدا بولعان. ول ءسابي كەزىنەن اس ۇيدە اناسىنىڭ جانىندا ۇنەمى ءجۇرىپتى. مەكتەپتى بىتىرگەن سوڭ ول الماتىداعى كاسىبي-تەحنيكالىق كوللەدجگە ءتۇستى جانە اسپاز بولىپ شىقتى. ونىڭ اتىراۋدا تۇرىپ، جۇمىس ىستەپ جاتقانىنا ءبىراز ۋاقىت بولعان، وتباسىن دا سول وڭىردە قۇرىپتى، ال اسپازدىققا دەگەن قۇشتارلىعى سول قالپىندا ساقتالعان.
«مەن الەمدىك اسپازدىقتىڭ استاناسى پاريجگە بارۋدى ءاردايىم ارماندادىم. قازىرگى تاڭدا قولىمنان كەلەتىنى ءاردايىم از بولىپ كورىنەتىن. ارمانىم كۇتپەگەن جەردەن ورىندالدى. ينتەرنەتتەن قىزىقتى رەتسەپت ىزدەپ وتىرىپ، «اكادەمپارك» فرانسۋز گاسترونوميالىق ونەر اكادەمياسى «موتيۆاتسيالىق حاتتار» بايقاۋىن وتكىزەتىنى تۋرالى جاڭالىقتى كورىپ قالدىم. بايقاۋ الەمدىك بولعاندىقتان، مۇمكىندىك تە از ەدى - ءوزىڭىز ويلاپ قاراڭىز، كوپجۇلدىزدى مەيرامحانادا تاجىريبە العىسى كەلەتىن اسپازدار قانشاما؟ بۇل مارتەبە عانا ەمەس، كەرەمەت تاجىريبە عوي! سوندىقتان حاتتى جازىپ وتىرىپ، وعان بار جانىمدى سالدىم»، - دەدى باحتيار.
اقىرى بايقاۋدى ۇيىمداستىرۋشىلار كوپتەگەن حاتتىڭ ىشىنەن قازاقستاندىقتىڭ جازعانىنا نازار اۋداردى. «اكادەمپارك» پرەزيدەنتى، اسپازدىق شەبەرلىك بويىنشا الەم چەمپيونى مەسە فيليپپ پارك باحتيارمەن بەتپە-بەت كەزدەسۋدى ۇيعاردى. وسىلايشا، اتىراۋلىق جىگىت اۆينون قالاسىنداعى مەيرامحانانىڭ اسحاناسىندا بولعان تۇڭعىش قازاقستاندىق اتاندى.
«فرانسۋزداردا بارلىعى وزگەشە: اسپازدار تاماق ازىرلەۋگە باسقاشا كوزقاراسپەن قارايدى. ءبىزدىڭ اسپازداردىڭ شەبەرلىگىن، تاماقتارىن كەمسىتكەنىم ەمەس، ءبىراق ول جاقتا تاماقتانۋعا سالت سياقتى قارايدى، ال ادامدار تاماق ماسەلەسىنە قىزىعۋشىلىق تانىتادى. مەن ءۇشىن ول اشىقتىق بولىپ كورىندى»، - دەدى ول.
قازاقستاننىڭ ءدامحانالارى مەن مەيرامحانالارىنىڭ جۇمىسىن فرانسياداعىمەن سالىستىرعان باحتيار، ءبىزدىڭ اسپازدار تاڭەرتەڭ ساعات 11:00 دە كەلىپ، سوڭعى كەلۋشى كەتكەنگە دەيىن جۇمىس ىستەسە، ول جاقتا اسپازداردىڭ تاڭعى اس ىشەتىندەر ءۇشىن تاڭعى ساعات 8:00 دە جۇمىستارىنا باراتىندارىن ايتتى. تۇسكى استان كەيىن مەيرامحانالار كەشكە دەيىن جابىلادى. ول جابىق تۇرعاندا كەشكە كەلەتىن قوناقتارعا تاماق ازىرلەنەدى.
«باس اسپاز ەرەجە بويىنشا، تاماق ازىرلەمەيدى. ول كەش بويى قوناقتارمەن وتىرادى، ەگەر ەرەكشە، ەكسكليۋزيۆتى اس ازىرلەنەتىن بولسا عانا ول اس ۇيگە كەلەدى»، - دەدى باحتيار.
ونىڭ ايتۋىنشا، فرانسۋزداردىڭ اس ۇيىندە تۇزدىقتارعا ەرەكشە ءمان بەرىلەدى: «و، بۇل ءبىر جاتقان ونەر. دامدەۋىشتەر دە. فرانسۋز اسپازدارى دامدەۋىشتەردى پروۆانستان الدىرادى: حوش ءيىستى، اششى، وتكىر، ەرەكشە، ءتاتتى. تەك جۇيەكتەردەن بولۋى مۇمكىن. ولاردىڭ حوش يىسىنە باتىپ، بارلىعىن ۇمىتىپ، ءولىپ، تىرىلۋگە بولادى. ءبىرىنشى كۇننەن-اق قانشاما جاڭا دۇنيەنى ءبىلدىم!»، - دەدى اسپاز.
باحتيار فرانسيادا وتكىزگەن ءبىر ايىنىڭ ومىرىندەگى ەڭ مازمۇندى ءسات بولعانىن مويىندادى: «ەڭ باستىسى، مەنىڭ تاماققا دەگەن كوزقاراسىم وزگەردى: بىرىنشىدەن - كوزبەن ۇعىنۋ، ودان كەيىن ءدام جانە تاماقتانۋدان ءلاززات الۋ. قاتتى تويىپ جەۋگە بولمايدى، باستىسى - تارەلكەدەگى استىڭ كولەمى ەمەس، ءدامى ... تاعى نە؟ ارمانىم ورىندالادى دەگەن ءۇمىتتى ەشقاشان جوعالتپاۋ كەرەك. سوندا عانا مىندەتتى تۇردە ورىندالادى»، - دەدى ول.
سۋرەت باحتيار ءشارىپوۆتىڭ جەكە مۇراعاتىنان الىنعان.
