12:41, 13 - قاراشا 2015 | GMT +5
اشىلماي قالعان قۇشاق
استانا. قازاقپارات - 1934-جىلدىڭ مامىر ايىندا پاۆلودار وبلىسىنىڭ ماي اۋدانى، اققۇدىق دەگەن جەرىنە 120 پۇت ەگىستىك تۇقىم اپاردىق.
اۋىلعا كىردىك. جان جوق، ادام تۇگىل ەش جاندىكتىڭ قىبىرى جوق. اۋىل شەتىندەگى ءبىر ۇيگە كىردىك. ەش جاننىڭ بەلگىسى بىلىنبەيدى.
ىشكە كىردىك، بولمە بۇرىشىندا ءبىر شىمىلدىق كەرىلگەن ەكەن، جاس جۇبايلارعا ارنالعان بولار. شىمىلدىقتى ءتۇرتىپ قالىپ ەدىم، ماتاسى ءىرىپ تۇر ەكەن، جۇلىم بولدى.
ار جاعىندا ەكى ادامنىڭ قاڭقاسى، ءبىرىنىڭ قارا شاشى ۇزىن، ەكىنشىسىنىكى قىسقا، جاس جىگىت پەن ايەل ەكەنى، جاس جۇبايلار ەكەنى بايقالىپ تۇر.
ءولىمدى قۇشاقتاسىپ قارسى الىپتى. وسى كورىنىس ءومىر بويى ەسىمنەن كەتپەيدى.
زەيتىن اقىشيەۆ، جازۋشى ولكە تانۋشى ساعات ءجۇسىپتىڭ «اشارشىلىق اقيقاتى» كىتابىنان ءۇزىندى
