ءبىر-بىرىمىزگە ايتىلماعان سوزدەر
نۇر-سۇلتان. قازاقپارات - الەمدى ماحاببات قۇتقارادى. قوعامنىڭ ءبۇلىنۋى سۇيىسپەنشىلىك، مەيىرىمدىلىك جوقتىعىنان تۋادى. سۇيىسپەنشىلىك «مەن سەنى جاقسى كورەمىنمەن» دالەلدەنبەيدى، ىسپەن دالەلدەنەدى. ونى اركىم ءارتۇرلى باعالايدى.
ال مارك ليەۆي ەسىمدى فرانسۋز جازۋشىسىنىڭ «ءبىر-بىرىمىزگە ايتىلماعان سوزدەر» كىتابىنان الىنعان مىنا ۇزىندىدەن انا مەن بالانىڭ ماحابباتى كورىنەدى. سوزىمىزدەن ءىسىمىز جىلدام بولعانى دۇرىس.
- ماعان سۇيىسپەنشىلىكتى قالاي ۇيرەتكىڭ كەلەدى؟ انالىق جىلۋىڭمەن جالعىزسىراعان جانىمدى جىلىتىپ پا ەڭ؟ - دەپ، قىزى تەرىس قارادى.
اناسى قىزىنا جاقىن كەلىپ:
- قىزىم، كىشكەنتاي كەزىڭدەگى وقيعالار ەسىڭدە مە؟ - دەپ سۇرادى.
- ءيا، ەسىمدە. جىلى كورپە استىندا قولشاممەن كىتاپ وقيتىنمىن. سەن سونىڭ ءبىرىن بىلمەيتىنسىڭ، ءتىپتى سۇرامايتىنسىڭ دا...
- نەگە قولشاممەن؟ بولمەنىڭ جارىعىن جاقپادىڭ با؟
- ادەيى جاسايتىنمىن: مەنى ۇيىقتاپ جاتىر دەپ ويلاسىن، مەنىڭ كىتاپ وقىپ جاتقانىمدى بىلمەسىن دەپ تىعىلىپ جاتاتىنمىن.
- قولشامىڭنىڭ كۇندىز-ءتۇنى وشپەگەنى قىزىق ەكەن. ونىڭ سيقىرى نەدە؟ ال كىتاپ وقىپ جۇرگەنىڭدى ماعان نەگە ايتپادىڭ؟
- مەن نەگە ايتۋىم كەرەك؟
- وسى جىلدار ارالىعىندا قولشامىڭ ءبىر رەت ءسونىپ كوردى مە؟
- جوق!
- سەبەبى، ساعان قولشامنىڭ باتارەياسىن اۋىستىرۋدىڭ قاجەتى جوق ەدى...
massaget.kz
