قىزىلوردادا جول اپاتىنان قازا تاپقانداردى ەسكە الىپ، قالا كوشەلەرىمەن «قارا تولقىن» اۆتوكەرۋەنى ءجۇرىپ ءوتتى - فوتو
بۇل تۋرالى وبلىستىق ءى ءى د باسپا ءسوز قىزمەتى حابارلادى.
حالىق كوپ شوعىرلاناتىن جەرلەردى ارالاعان اۆتوكولىكتەر دىبىس كۇشەيتكىش قۇرالدارى ارقىلى قالا تۇرعىندارى مەن كولىك جۇرگىزۋشىلەرىنە جول قوزعالىسىنا قاتىسۋشىلاردىڭ ءومىرى مەن دەنساۋلىقتارىن جانە جول ءجۇرىسى ەرەجەلەرىن قاتاڭ ساقتاۋ بويىنشا اقىل-كەڭەستەر ايتىپ، تۇسىندىرمە جۇمىستارىن جۇرگىزدى.
بۇدان كەيىن، اۆتوكەرۋەن قوزعالىسى تاعزىم الاڭىندا 1 مينۋتقا ايالداپ، جول-كولىك اپاتى سالدارىنان قىرشىن كەتكەن ادامداردى ەسكە الۋ ماقساتىندا اسپانعا اق، قارا ءتۇستى شارلاردى ۇشىرىپ، رۋحتارىنا تاعزىم ەتتى.
شارا ودان كەيىن قازاقستان رەسپۋبليكاسى تۇڭعىش پرەزيدەنتى ساياباعىندا جالعاسىن تاپتى. جول-كولىك اپاتىنىڭ قۇرباندارىن ەسكە الىپ، رۋحتارىنا تاعزىم ەتۋ ماقساتىندا اتالمىش ساياباقتا «ەسكە الۋ اللەياسىنىڭ» اۋماعى بەلگىلەنگەن بولاتىن. وسى اللەياعا اكىمشىلىك پوليتسيا قىزمەتكەرلەرى اعاش وتىرعىزدى.
ەرەكشە اتاپ وتەرلىك جاعداي، بۇگىن جول-كولىك وقيعالارىنان زارداپ شەككەن ادامدارعا كومەك كورسەتۋ ماقساتىندا ەرىكتى تۇردە قان تاپسىرۋ شاراسى جالعاسىن تاپتى. اتالمىش شاراعا بۇقارالىق اقپارات قۇرالدارى وكىلدەرى دە اتسالىستى.
