08:08, 14 - قاراشا 2015 | GMT +5
پولشا ۇكىمەتى وتستاۆكاعا كەتتى
استانا. قازاقپارات - پولشانىڭ پرەمەر-ءمينيسترى ەۆا كوپاچ باستاعان ۇكىمەت قۇرامى وتستاۆكاعا كەتتى، دەپ حابارلايدى TVN24 تەلەارناسى.
اتالعان شەشىم پرەمەردىڭ «ازاماتتىق تۇعىرناما» پارتياسىنىڭ 25- قازاندا وتكەن پارلامەنتتىك سايلاۋدا جەڭىلۋىنەن كەيىن قابىلداندى.
بۇعان دەيىن پولشا پارلامەنتىندە مانداتتاردىڭ ەڭ كوپ سانىن ياروسلاۆ كاچينسكيدىڭ «زاڭ جانە ادىلدىك» پارتياسى العانى حابارلانعان. بۇل تۋرالى سايلاۋدىڭ رەسمي قورىتىندىلارى كۋالاندىرادى. پارتيا 37,6 پايىز داۋىسقا يە بولدى، بۇل پارلامەنتتەگى 235- ورىنعا قۇقىق بەرەدى.
