وڭتۇستىكتىڭ اتىن شىعارعان بالۋاندار ماراپاتتالدى
بۇل تۋرالى و ق و اكىمدىگىنىڭ باسپا ءسوز قىزمەتىنەن حابارلادى.
جالپى بيىلعى ەل كۋبوگى جولىنداعى باسەكە وڭتۇستىك قازاقستاندىق سپورتشىلار ءۇشىن جەمىستى بولدى. جارىسقا ەلىمىزدىڭ ون ءبىر وبلىسىنان 11 كوماندا قاتىسقان. العاشقى اينالىمدا وڭتۇستىك قازاقستاندىق بالۋاندار جامبىل وبلىسىنىڭ قۇراما كومانداسىمەن كەزدەسىپ، 6-2 ەسەبىمەن جەڭىسكە جەتسە، كەلەسى اينالىمدا الماتى وبلىسىنىڭ مىقتىلارىمەن كۇرەسىپ، 5-3 ەسەبىمەن جەڭىس جولىن جالعادى.
قاراعاندىلىق بالۋاندارمەن وتكەن ءۇشىنشى اينالىمدا وڭتۇستىكتىڭ سپورتشىلارى وزدەرىنىڭ ابدەن ىسىلعانىن ءارى بابىندا ەكەندىگىن دالەلدەدى. قوستانايلىق سپورتشىلارمەن بولعان بەلدەسۋدە 5-3 ەسەبىمەن جەڭىسكە جەتتى. فينالدا اقتوبە وبلىسىنىڭ بالۋاندارىن 5-3 ەسەبىمەن تىزە بۇكتىرىپ، وڭتۇستىك قازاقستان وبلىسىنىڭ كومانداسى العاش رەت قازاقستان رەسپۋبليكاسىنىڭ كۋبوگىن جەڭىپ الدى.
سپورتشىلاردى، قابىلداعان بەرىك وسپانوۆ بالۋاندار مەن ولاردىڭ جاتتىقتىرۋشىلارىن جەڭىستەرىمەن قۇتتىقتاپ: «ءبىز ماراپات ءۇشىن ەمەس وڭتۇستىكتىڭ اتاعىن شىعارۋ جولىندا جۇمىس جاساۋىمىز قاجەت. وڭىردە فەدەراتسيا قۇرىلعالى جاقسى ناتيجە كورسەتىپ كەلەمىز. وسى قارقىننان تايماي وليمپياداعا جولداما الىپ، ەل نامىسىن لايىقتى قورعاۋلارىڭىزعا تىلەكتەسپىن» - دەدى جانە سپورتشىلار مەن ولاردىڭ جاتتىقتىرۋشىلارىن ماراپاتتادى.
