ساحارا قۇمدارىندا كونە وزەننىڭ ىزدەرى تابىلدى

استانا. قازاقپارات - عالىمدار ساحارا قۇمدارى ورنالاسقان جەردە كونە زاماندا ءىرى وزەن جۇيەسى بولعانىن انىقتاعان.

اۆتورلار ءوز زەرتتەۋلەرىنىڭ قورىتىندىسىن Nature Communications جۋرنالىندا جاريالادى، دەپ جازادى epochtimes.ru.

وزەن ىزدەرى PALSAR راديولوكاتسيالىق بايقاۋلار اپپاراتى جانە جاپوندىق ALOS سپۋتنيگىنىڭ كومەگىمەن انىقتالدى. الىنعان سۋرەتتەردە زەرتتەۋشىلەر قازىرگى ءشول قۇمدارىنىڭ استىندا جاسىرىنعان كونە ارنالاردىڭ شەتىن كورە الدى.

عالىمدار العان مالىمەتتەردى تاريحتاعى ادەبي مالىمەتتەرمەن سالىستىرعاندا، ولار وسى اۋداندا وزەن جۇيەسىنىڭ بار بولعانىن راستاپ شىعاردى. تامانراسسەت دەپ اتالعان وزەن بەس جىلعا جۋىق ۋاقىت بۇرىن بولعان. ول اتلاس تاۋلارىنىڭ وڭتۇستىگى مەن قازىرگى الجيردەگى احاگگار تاۋلى ولكەسىنەن باستاۋ العان. وزەن 500 شاقىرىم قاشىقتىققا سوزىلعان. ماۆريتانيا اۋدانىندا ول اتلانت مۇحيتىنا قۇيعان.