عالىمدار ينسۋلت پەن سۋسامىر دەرتىنەن قانداي شاي قۇتقاراتىندىعىن ايتىپ بەردى

استانا. قازاقپارات - گوللانديا عالىمدارى ەلدىڭ ءبىلىم جانە تاربيە بەرۋ مەكەمەلەرى، سونداي-اق ءوز دەنساۋلىعىن كۇتىپ جۇرگەن بارلىق ادامدار ءۇشىن جاڭا كەڭەستەر ازىرلەدى.

عالىمدار كۇنىنە بەس كەسەدەن كەم ەمەس شاي ءىشۋ اعزانى ينسۋلتتان قورعاپ، سۋسامىر اۋرۋىنا شالدىعۋ قاۋپىن ازايتاتىنى تۋرالى قورىتىندى جاسادى.

بۇل رەتتە ماماندار دەنساۋلىقتى ساقتاۋعا شايدىڭ جاسىل جانە قارا سۇرىپتارى كومەكتەسەتىنىن اتاپ وتۋدە، ولارعا ۇقساس جەمىستى قوسپالارى بار شايلار مەن فيتوسۋسىندار اعزاعا ەش اسەر ەتپەيدى.

گوللانديا دارىگەرلەرى ءبىرىنشى كەزەكتە مەكتەپتەر مەن جۇمىس ورىندارىندا شىرىن، ءسۇت جانە مينەرالدى سۋدىڭ ورنىنا شايدىڭ وسى تۇرلەرىن ۇسىنۋدى كەڭەس ەتتى.