جاڭا ءبىلىم بەرۋ جۇيەسى: ءتيىمدى تۇسى
بۇل ەرەكشە باعدارلاما، ويتكەنى وقىتۋ - كوپ ۇلتتى ەلىمىزدىڭ حالىقتىق، مادەني جانە رۋحاني قۇندىلىقتارى نەگىزىندە جۇرگىزىلەدى. ول وتاندىق جانە شەتەلدىك ۇزدىك تاجىريبەلەردى ەسكەرەدى دەپ كۇتىلۋدە.
وسىعان وراي سكاۋتتار ەلىمىزدىڭ بۇگىنى مەن ەرتەڭىنە بەي- جاي قارامايتىن بارلىق ازاماتتاردى جوباعا ۇلەس قوسۋعا شاقىردى. سكاۋتتار باعدارلامانى ازىرلەۋدە بارشا قازاقستاندىقتاردىڭ ۇسىنىستارىن ەسكەرمەك. باستىسى، ول ۇسىنىستار بالالاردىڭ كۇندەلىكتى ساباقتارداعىداي ەمەس، ەركىن ءارى قىزىق تۇردە دامۋىنا سەپ بولسا، بولعانى.
جالپى، سكاۋتينگ - بالالارعا ءتۇرلى ويىندار مەن قىزىقتى ساباقتار ارقىلى ورتا مەكتەپتەن دە مول مالىمەت، زور ءبىلىم مەن داعدى بەرە الاتىن ءبىلىم جۇيەسى. ونى بەيرەسمي ءبىلىم بەرۋ جۇيەسى دەپ اتايدى. سكاۋتتار سول ارقىلى بارلىق نارسەنى ۇيرەنەدى. جازدا - تابيعات اياسىندا تىرشىلىك ەتۋدىڭ قىر- سىرىن ۇيرەنسە (وتقا اس پىسىرەدى، قوس قۇرادى، پالاتكادا ۇيىقتاپ، وتىن جينايدى، سۋدا جۇزەدى، ءتۇرلى كوماندىق ويىندار وينايدى، اعاشقا ورمەلەيدى ت. ب. )، قىستا - تۋريزم بويىنشا جارىستارعا، كۆەستەرگە قاتىسىپ، ءتۇرلى اكتسيالار وتكىزەدى. سكاۋت بولۋ ءۇشىن جاس ەرەكشەلىگى ماڭىزدى ەمەس. قىسقاشا ايتقاندا، بۇل جۇيە بالالارعا جەكە تۇلعا رەتىندە دامۋدىڭ جولىن ايقىنداپ بەرمەك.
بەيرەسمي ءبىلىم بەرۋدىڭ بۇل ءتۇرىن ۇلى بريتانيا، ءۇندىستان، ا ق ش، كانادا، گەرمانيا، جاپونيا، يندونەزيا، مالايزيا، شۆەتسيا، فينليانديا، گونكونگ، ۋكراينا، ارمەنيا، رەسەي، ءازىربايجان جانە باسقا دا كوپتەگەن ەلدەر زاڭمەن بەكىتىپ، جەمىسىن كورىپ وتىر. قازاقستان سكاۋت قوزعالىسى ۇيىمىنىڭ پرەزيدەنتى يلدار كاتەنوۆتىڭ ايتۋىنشا، سكاۋتينگ بەيرەسمي ءبىلىم بەرۋ جۇيەسى ەكى تۇجىرىمداماعا سۇيەنەدى. ولار - وزىنە ءوزى ءبىلىم بەرۋ جانە «ىشكى ءبىلىم بەرۋ» تۇجىرىمدامالارى. ياعني، بالانىڭ ۇستازى - نەگىزىنەن ونىڭ ءوزى بولماق.
«ءبىز بۇل باعدارلامانى 2016 -جىلى مەكتەپتەردە پيلوتتىق جوبا رەتىندە ەنگىزە باستايمىز. ال باعدارلامانى 2017 -جىلى تولىق اياقتاۋدى جوسپارلاپ وتىرمىز. جوبانى جۇزەگە اسىرۋ قوسىمشا قارجىنى قاجەت ەتپەيدى. ويتكەنى نەگىزىنەن ەرىكتىلەردىڭ كومەگىمەن جۇزەگە اسىرىلادى. مەكتەپتەگى وقىتۋ جۇيەسى بىلىمگە نەگىزدەلسە، سكاۋتتىق جۇيە - قۇندىلىقتارعا سۇيەنەدى. سوندىقتان دا ءتيىمدى. ول ءداستۇرلى ءبىلىم بەرۋ جۇيەسىنىڭ بالاماسى ەمەس، سوعان قوسىمشا. سونداي- اق، ءبىلىم الۋشىلاردىڭ جاس ەرەكشەلىگى دە ەسكەرىلەدى»، - دەيدى يلدار كاتەنوۆ.
بۇگىندە سكاۋتتىق قوزعالىستى ق ر پارلامەنتى، جەرگىلىكتى باسقارۋ ورگاندارى، ق ر ءبىلىم جانە عىلىم مينيسترلىگى، ق ر تۇڭعىش پرەزيدەنتىنىڭ كىتاپحاناسى، مەكتەپتەر مەن بالالار شىعارماشىلىق ۇيلەرى، قوعامدىق بىرلەستىكتەر، بالالاردى دامىتۋ جەكەمەنشىك ورتالىقتارى مەن جالپى باستاماشىل اتا-انالار قولداپ وتىر.
الەم بويىنشا 50 ميلليوننان استام ادام سكاۋت قوزعالىسىنىڭ قۇرامىندا ەكەن. الەمنىڭ 169 ەلىندە قانات جايعان بەلدى قوزعالىستىڭ ۇستانىمى - «ءارقاشان دايىن بول!». سكاۋتتار ۇيىمى جاڭا قازاقستاندىق ءپاتريوتيزمدى قالىپتاستىرۋعا، جاستار اراسىندا سۋيتسيد پەن قىلمىستى ازايتۋعا، ۇلتارالىق كەلىسىم مەن تۇراقتىلىقتى دامىتۋعا، ەڭبەكسۇيگىشتىك پەن زاڭدى قۇرمەتتەۋدى ۇيرەتۋگە ارنالعان ءتۇرلى ساباقتاردى ۇنەمى وتكىزىپ تۇرادى. بۇل ۇيىم ازاماتتىق قوعام قالىپتاستىرۋ مەن ەلىمىزدىڭ بولاشاق بەتكە ۇستار ازاماتتارىن تاربيەلەۋ جانە دايىنداۋعا قىزمەت ەتەتىن جاڭا ءبىلىم بەرۋ ادىستەمەلەرىن تۇراقتى تۇردە ەنگىزەدى.
ال قازاقستاندا بۇل ۇيىم 1989 -جىلى قۇرىلدى. بۇگىندە ول بالالار مەن جاستارعا ارنالعان رەسپۋبليكالىق، قوعامدىق، ەرىكتى، تاۋەلسىز، بيساياسي، تاربيەلىك ۇيىم.
