13:12, 13 - قاراشا 2015 | GMT +5
سولتۇستىك جانە وڭتۇستىك كورەيا ەلدەرى دوستىق قارىم- قاتىناس ورناتۋى مۇمكىن
استانا. قازاقپارات - سولتۇستىك كورەيا كوشباسشىسى كيم چەن ىن كورشىسىمەن تاتۋ بولۋعا نيەتتى ەكەنىن جەتكىزدى. بۇل ويىن ول قىتايلىق ساياساتكەر ليۋ يۋناشانمەن وتكەن ورتاق كەزدەسۋ كەزىندە حابارلادى.
اسپان استى ەلى سولتۇستىك كورەيانىڭ بۇل قادامىن قولدايتىنىن ايتتى. سونداي- اق ليۋ يۋناشان ەكى ەل قارىم- قاتىناسى ۋاقىت وتكەن سايىن جاقساراتىنىنا سەنىم ءبىلدىردى.
ەستەرىڭىزگە سالا كەتەيىن، ەكى ەلدىڭ ارازدىعى 1950-1953 - جىلدارى بولعان كورەي سوعىسىنان كەيىنگى بىتىمگە كەلۋ تۋرالى قۇجاتقا قول قويىلعاننان كەيىن دە توقتاماعان بولاتىن. ال 2010 -جىلى سولتۇستىك كورەيالىق «چحونان» كەمەسى سۋعا باتىپ كەتكەن كەزدە قارىس- قاتىناس تىپتەن ۋشىقتى.
