قىتايلىق كومپانيا وتقا ءتوزىمدى سمارتفون شىعاردى

استانا. قازاقپارات - Oukitel K6000 سمارتفونىنىڭ باستى تەحنيكالىق ارتىقشىلىعى - ۇزاق ۋاقىتقا جەتەتىن باتەرەياسى. ساعاتىنا 6000 م ا كورسەتكىشكە يە قۋات جيناقتاعىشتار قازىرگى تاڭدا تەك پلانشەتتەردە قولدانىلادى.

دەگەنمەن، بۇل ونىڭ ەڭ نەگىزگى ەرەكشەلىگى ەمەس. جاڭا قىتايلىق سمارتفون وتقا ءتوزىمدى كورپۋسپەن جابدىقتالعان.

تومەندەگى ۆيدەودا Oukitel كومپانياسى قۇراستىرعان اپپاراتتىڭ وتقا توزىمدىلىگىن انىقتاۋ تەستى كورسەتىلەدى. ءبىرىنشى سىناقتان وتكەن سمارتفون تولىعىمەن جانىپ كەتكەنىن كورەمىز. ال Oukitel K6000 ءدال سول تەمپەراتۋراعا توزە الادى. سىناقتان وتە الماعان سمارتفوننىڭ قاي كومپانيا ءونىمى ەكەنى كورسەتىلمەيدى.

Oukitel K6000 اپپاراتىنىڭ تەحنيكالىق مۇمكىندىگىنە كەلەر بولساق، ديسپلەي دياگونالى -  5,5 ديۋيم، ال وپەراتيۆتى جادى 2 گيگابايتقا تەڭ. ءموبيلدى ديەۆايس 4 يادرولى MediaTek پروتسەسسورىمەن قاماتاماسىز ەتىلگەن. ءونىمنىڭ نارىقتاعى باعاسى 139,99 ا ق ش دوللارىن قۇرايدى.

massaget.kz