دارىگەرلەر: دەنساۋلىق مىقتى بولۋ ءۇشىن ۇنەمى شاي ءىشۋ كەرەك

استانا. قازاقپارات - الەمدە بارشا حالىق ورتاق پايدالانىتىن سۋسىنداردىڭ ءبىرى - شاي. الايدا، ونى قانشا مولشەردە پايدالانۋ كەرەكتىگى جايلى عالىمدار اراسىندا داۋ ءالى بىتكەن ەمەس.

ماسەلەن، گوللانديانىڭ دەنساۋلىق ساقتاۋ كەڭەسى كۇنىنە 3-5 كەسە شاي ءىشۋ كەرەك دەپ ەسەپتەيدى. بۇل قان قىسىمىن، ديابەت جانە ينسۋلت قاۋپىن تومەندەتۋگە كومەكتەسەدى، دەپ جازدى The Telegraph.

الايدا، ونىڭ وڭ اسەرىن ءبىراز ۋاقىت وتكەن سوڭ عانا بايقاۋعا بولادى.

ماماندار قارا جانە كوك شايدى كەز- كەلگەن جاستا ىشۋگە بولادى. كىشكەنتاي بالالارعا ءسۇت قوسىلعان شاي بەرۋگە دە بولادى. الايدا، ەڭ پايدالىسى كوك شاي بولىپ سانالادى. وسىعان دەيىن جاسالعان زەرتتەۋلەر ناتيجەسىندە كوك شاي قۇرامىندا ەرەكشە امينقىشقىلى - تەانين بار ەكەنى انىقتالدى.

بۇل زات ادامنىڭ كوڭىل- كۇيىنە جاقسى اسەر ەتەدى (كۇيزەلىس جويىلادى). سونداي- اق، ونىڭ قۇرامىنداعى انتيوكسيدانتتار وبىر دەرتىنىڭ الدىن الۋعا ىقپالداسادى. بۇل انتيوكسيدانتتار كەۋدە، وكپە، اسقازان وبىرىنا (ىسىگىنە) قارسى تۇرا الادى. كەي عالىمداردىڭ ايتۋىنشا، شاي السگەيمەر (الجۋ) دەرتىنەن قورعاپ، حولەستەرين دەڭگەيىن تومەندەتەدى.