ەلشى ش. نۇرىشيەۆ: ك. ءماسىموۆتىڭ بەيجىڭگە ساپارى بارىسىندا قازاقستان مەن ق ح ر بىرلەسكەن كومميۋنيكە قابىلدايدى

بەيجىڭ. قازاقپارات - ق ر- نىڭ ق ح ر- داعى توتەنشە جانە وكىلەتتى ەلشىسى شاحرات نۇرىشيەۆ ق ر سىرتقى ىستەر ءمينيسترىنىڭ ورىنباسارى اسقار مۋسينوۆتىڭ بەيجىڭگە ەكى كۇندىك ساپارىنىڭ قورىتىندىلارىن شىعاردى.

 «قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى اسقار مۋسينوۆتىڭ قىتاي حالىق رەسپۋبليكاسىنا ساپارى اۋقىمىندا قىتايدىڭ تۋريزم باس مەملەكەتتىك باسقارماسىندا كەزدەسۋ بولىپ ءوتتى. وسى كەزدەسۋ اياسىندا تۋريزم سالاسىنداعى ودان ءارى ىنتىماقتاستىقتىڭ كەلەشەگى تالقىلاندى. اتاپ ايتقاندا، قازىرگى كەزدە قازاقستانعا قىتايلىق تۋريستەردىڭ توپتىق ۆيزا نەگىزىندە ۇجىمدىق شىعۋىن ۇيىمداستىرۋ جونىندەگى كەلىسىمگە قول قويۋ ماسەلەسى تالقىلانۋدا»، - دەدى ول قازاقستاندىق جۋرناليستەرمەن بولعان بريفينگى بارىسىندا.

ش. نۇرىشيەۆ 2017 - جىل - استانادا ەكسپو وتەتىن كەز - قازاقستاندا قىتاي تۋريزمى جىلى بولىپ جاريالانعانىن ەسكە سالدى. «بۇل شارا ءوزىن اقتاۋى جانە تۋريستەردى بارىنشا كوپتەپ تارتۋ ءۇشىن قازىرگى كەزدە نەگىزگى باعىتتار مەن جولباعىتتار پىسىقتالۋدا، وندا قىتايلىق تۋريستەردى قازاقستانعا كەلۋگە تارتۋ كوزدەلۋدە»، - دەپ اتاپ ءوتتى ديپلومات.

ونىڭ ايتۋىنشا، ستاتيستيكالىق مالىمەتتەرگە قاراعاندا، 2014 - جىلى ق ح ر- دان تىس جەرلەرگە 110 ميلليون قىتاي تۋريستەرى شىقتى، ولار شەتەلدىك مەملەكەتتەرگە جالپى سوماسى 140 ميلليارد دوللار كىرىس كەلتىردى.

«تۋريزم سالاسى شاعىن جانە ورتا بيزنەستى دامىتۋ ءۇشىن وتە ماڭىزدى. سوندىقتان دا وسى ماسەلەلەرگە باسا كوڭىل ءبولىندى، ءبىرقاتار ناتيجەلەرگە قول جەتكىزىلدى. ءبىز وسى جىلعى جەلتوقسانعا قاراي ق ر پرەمەر- ءمينيسترىنىڭ قىتايعا رەسمي ساپارىنا وراي ءتيىستى كەلىسىمگە قول قويا الامىز دەپ ۇمىتتەنەمىز»، - دەپ اتاپ كورسەتتى ق ح ر- داعى ق ر ەلشىسى.

بۇگىن وتكەن ەكى ەلدىڭ سىرتقى ىستەر مينيسترلىكتەرىنىڭ كونسۋلتاتسيالارى تۋرالى ايتا كەلىپ، ش. نۇرىشيەۆ ولاردىڭ نەگىزگى كۇن ءتارتىبى وسى جىلعى جەلتوقساندا وتەتىن قازاقستاننىڭ پرەمەر- ءمينيسترى كارىم ءماسىموۆتىڭ قىتايعا رەسمي ساپارىنا ازىرلىك بولعانىن حابارلادى.

«بۇل ساپاردىڭ بارىسىندا ءبىرقاتار قۇجاتتارعا قول قويۋ جوسپارلانۋدا. نەگىزگى قۇجات بارلىق باستى ساياسي جانە ەكونوميكالىق ۋاعدالاستىقتاردى، سونىڭ ىشىندە يندۋستريالاندىرۋ، ينۆەستيتسيالار سالاسىنداعى ىنتىماقتاستىقتى دا قامتيتىن بىرلەسكەن كومميۋنيكە بولماق. سونداي- اق ترانسشەكارالىق وزەندەر ماسەلەلەرى دە تالقىلاندى. ايماقارالىق ىنتىماقتاستىق باعدارلامالارىنا، تۋريستەردى تارتۋ ماسەلەلەرى بويىنشا كەلىسىمگە قول قويۋ جوسپارلانۋدا. قازاقستاندىق بيدايدى قىتايعا جەتكىزۋ تۋرالى مەموراندۋم، ق ح ر- عا ءبىزدىڭ اۋىل شارۋاشىلىعى ونىمدەرىمىزدى جەتكىزۋ كولەمىن كەڭەيتە ءتۇسۋ ءۇشىن بۇرىن قول قويىلعان ءتيىستى مەمورانۋمعا وزگەرىستەر ەنگىزۋ پىسىقتالۋدا»، - دەپ حابارلادى ديپلومات.

ول سونداي- اق بۇگىن وتكەن ىنتىماقتاستىق جونىندەگى قازاقستاندىق- قىتايلىق كوميتەتتىڭ قاۋىپسىزدىك سالاسىنداعى ىنتىماقتاستىق جونىندەگى كىشى كوميتەتىنىڭ 8- وتىرىسىنىڭ مازمۇنى تۋرالى اڭگىمەلەدى.

 «ەكىجاقتى جانە ش ى ۇ، ا و س ش ك اۋقىمىنداعى كوپجاقتى فورماتتارداعى قاۋىپسىزدىكتى قامتاماسىز ەتۋ ماسەلەلەرى تالقىلاندى. ەكىجاقتى قاتىناستار بۇدان دا جوعارى دەڭگەيگە شىعۋى ءۇشىن ءبىزدىڭ قۇزىرلى ورگاندار اراسىنداعى ءوزارا ءىس- قيمىلدى نىعايتۋ جونىندەگى ۋاعدالاستىقتارعا قول جەتكىزىلدى»، - دەپ تۇيىندەدى ش. نۇرىشيەۆ.