جىلقى ەتىنەن جاسالعان قازى ادام اعزاسىنداعى حولەستەرين مولشەرىن ازايتادى

استانا. قازاقپارات - قازاقستاندىقتارعا ەتتەن باس تارتۋعا كەڭەس بەرەدى. ويتكەنى ەت ونكولوگيالىق اۋرۋلاردىڭ دامۋىنا اكەپ سوقتىرادى.

بۇل تۋرالى كەشە قازاق تاعامتانۋ اكادەمياسىنىڭ وكىلدەرى ءمالىم ەتتى.

دەگەنمەن، جىلقى ەتىنەن جاسالعان قازىنى جەۋ پايدالى دەيدى ماماندار. ويتكەنى قۇرامى F دارۋمەنىنە باي جىلقى ەتى اعزاداعى حولەستەرين كولەمىن ازايتادى. سونداي-اق عالىمدار دۇرىس تاماقتانباۋ سالدارىنان سەمىزدىككە شالدىققاندار ماسەلەسىنە الاڭداۋلى.

ستاتيستيكاعا سەنسەك، وتكەن جىلدىڭ وزىندە 15 جاستان اسقان ءاربىر ەكىنشى قازاقستاندىق ارتىق سالماقتىڭ زاردابىن تارتقان. سوندىقتان جاستار تەز دايىندالاتىن استان باس تارتىپ، جەمىس-جيدەك جەۋگە داعدىلانۋى كەرەك.

ال تاتتىگە قۇمار جاندار ءۇشىن قانتتى شوكولادپەن الماستىرۋعا كەڭەس بەرەدى. ويتكەنى ءتاتتىنى شامادان تىس پايدالانۋ ادام دەنساۋلىعىنا زيان.

تورەگەلدى شارمانوۆ، قازاق تاعامتانۋ اكادەمياسىنىڭ پرەزيدەنتى:

- الەمدەگى ءولىم-ءجىتىمنىڭ 60 پايىزى دۇرىس تاماقتانباۋ سالدارىنان بولعان. تەز دايىندالاتىن تاعامدار، گامبۋرگەر، قۋىرىلعان قىتىرلاق كارتوپ جەسەڭىز، ارتىق سالماق جيناپ الاسىز. بۇدان بولەك ءتۇرلى اۋرۋلارعا شالدىقتىرادى.

www.24.kz