رونالدۋ ءوزى تۋرالى فيلمدى ۇسىندى
فيلمدى كورۋ ءۇشىن حالىق كينوتەاترعا كوپ جينالۋى مۇمكىن. سەبەبى ونى دجەيمس گەي-ريس (James Gay-Rees) تۇسىرگەن ەكەن. بۇل رەجيسسەر كەزىندە فورمۋلا 1 جارىسىنداعى اتاقتى شاباندوز ايرتون سەننا (Ayrton Senna) مەن جۇلدىزداي جارق ەتىپ، سونگەن بريتانيالىق ءانشى ەمي ۋاينحاۋس (Amy Winehouse) تۋرالى ءومىربايان-فيلمدەردى جۇرت نازارىنا ۇسىنىپ، كورەرمەن قوشەمەتىنە بولەندى.
«رونالدۋ» فيلمى تۇسىرىلىمىنە كريشتيانۋدىڭ اناسى دولورەس پەن ونىڭ ۇلى كىشى كريشتيانۋ، اگەنت حورحە مەندەس پەن ليونەل مەسسي قاتىسقان. فيلمنىڭ ءتۇسىرىلىم توبى جۇلدىزدىڭ بارلىق ساپارلارىنا بىرگە شىعىپ، ونىڭ كۇندەلىكتى ءومىرىن باقىلاعان. وسى رەتتە لەنتا رەجيسسەرى اتاقتى سپورتشىعا قاتىستى مىناداي ويىمەن ءبولىستى:
«ءبىز ونى اقشاعا بەلشەدەن باتىپ، قوعامداعى دارەجەسىن پايدالانىپ، راحات تىرلىك كەشىپ ءجۇر دەپ ويلايمىز. ءبىراق ول وسى جولدا ءبىراز نارسەنى قۇربان ەتكەن. الەمدىك دەڭگەيدە تانىمال بولۋدىڭ وڭاي نارسە ەمەس ەكەندىگىنە كوزىم جەتتى».
دايىنداعان: گ. ابيلوۆا
www.24.kz
