دەۆيد بەكحەم انتاركتيدادا قايىرىمدىلىق ماتچىندا وينايدى

 استانا. قازاقپارات - فۋتبول بويىنشا انگليا قۇراماسىنىڭ بۇرىنعى كاپيتانى دەۆيد بەكحەم انتاركتيداداعى جولداستىق كەزدەسۋگە قاتىسادى،

 دەپ حابارلادى ت ا س س.

ماتچتە گيددەر، عالىمدار، مەحانيكتەر مەن اسپازشىلاردان قۇرالعان كوماندالار كەزدەسەدى. ولاردىڭ بارلىعى يۋنيون مۇزدىعىنداعى جەكە تۋريستىك بازادا تۇرىپ، جۇمىس ىستەيدى. ءبىر قۇرامادا بەكحەم ونەر كورسەتەدى. ماتچ قانداي جاعدايلاردا جانە قاي جەردە وتەتىنى حابارلانبادى.

 انتاركتيدا بۇرىنعى فۋتبولشىنىڭ ب ۇ ۇ بالالار قورىن (يۋنيسەف) قولداۋداعى بۇكىل الەمدىك تۋرنەسىنىڭ بەسىنشى ايالداماسى بولماق. مارافون ماقساتى - بارلىق كونتينەنتتە ءبىر ويىندا ويناۋ.

بەكحەم پاپۋا- جاڭا گۆينەيا، دجيبۋتي، نەپال مەن ارگەنتينادا بولدى. ا ق ش- تا كەزدەسۋ وتكىزۋ جوسپاردا بار. مارافون مانچەستەردەگى ويىنمەن اياقتالماق.

2013 - جىلدىڭ مامىرىندا فۋتبولشى كاسىبي كارەراسىن اياقتاعانى جونىندە ءمالىم ەتتى. انگليا قۇراماسىندا جارتىلاي قورعاۋشى 115 ماتچقا قاتىسىپ، 17 گول سوقتى.