ق ر پرەزيدەنتى ن. نازاربايەۆتىڭ جاھاندىق باستاماسى قاۋىپسىزدىك ماسەلەلەرى بويىنشا قازاقستاندىق-قىتايلىق كەلىسسوزدەر بارىسىندا تالقىلاندى - فوتو
قازاقستاندىق دەلەگاتسيانى ق ر سىرتقى ىستەر ءمينيسترىنىڭ ورىنباسارى اسقار مۋسينوۆ، قىتايلىق دەلەگاتسيانى - ق ح ر سىرتقى ىستەر ءمينيسترىنىڭ ورىنباسارى چەن گوپين باسقاردى.
تاراپتار ق ر پرەزيدەنتىنىڭ ب ۇ ۇ قولداۋىمەن لاڭكەستىكپەن كۇرەس ءۇشىن حالىقارالىق جەلى قۇرۋ تۋرالى باستاماسىنىڭ جانە لاڭكەستىككە قارسى ءىس-قيمىلداردىڭ جالپىعا ورتاق مەحانيزمدەرى مەن ادىستەرىن ازىرلەۋدىڭ ماڭىزدىلىعىن اتاپ ءوتتى.
شاعىن كوميتەتتىڭ تەڭ ءتوراعالارى ەكى ەلدىڭ كۇش قۇرىلىمدارى وكىلدەرىنىڭ ءبىر جىلدا جاسالعان جۇمىس تۋرالى باياندامالارىن تىڭداپ، ايماقتىق قاۋىپسىزدىكتى قامتاماسىز ەتۋدىڭ باستى پروبلەمالارىن تالقىلادى.
لاڭكەستىك، سەپاراتيزم جانە ەكسترەميزمگە قارسى كۇرەس سالاسىندا، سونىڭ ىشىندە شاڭحاي ىنتىماقتاستىق ۇيىمى (ش ى ۇ) جانە ازياداعى ءوزارا ءىس-قيمىلدار جانە سەنىم شارالارى بويىنشا كەڭەس سياقتى كوپجاقتى قۇرىلىمدار اياسىندا ىنتىماقتاستىقتى ودان ءارى تەرەڭدەتۋ تۋرالى كەلىسۋشىلىككە قول جەتكىزىلدى.
شاعىن كوميتەتتىڭ 8- وتىرىسىنىڭ قورىتىندىلارى بويىنشا قازاقستاندىق-قىتايلىق ىنتىماقتاستىقتىڭ قاۋىپسىزدىك سالاسىنداعى باسىمدىق باعىتتارىن ايقىندايتىن حاتتاماعا قول قويىلدى.
ەسكە سالا كەتەيىك، بيىلعى جىلدىڭ قىركۇيەك ايىنىڭ سوڭىندا بىرىككەن ۇلتتار ۇيىمى باس اسسامبلەياسىنىڭ 70- سەسسياسىندا ق ر پرەزيدەنتى ب ۇ ۇ قولداۋىمەن لاڭكەستىكپەن كۇرەس ءۇشىن حالىقارالىق جەلى قۇرۋدى جانە لاڭكەستىككە قارسى ءىس-قيمىلداردىڭ جالپىعا ورتاق مەحانيزمدەرى مەن ادىستەرىن ازىرلەۋدى ۇسىندى.
