ازاماتتىق ۇشاقتار سپۋتنيكپەن باقىلانادى

 استانا. قازاقپارات - حالىقارالىق تەلەكوممۋنيكاتسيا وداعى ازاماتتىق ۇشاقتاردى سپۋتنيكتەرمەن باقىلاۋ ءۇشىن جيىلىك دياپازونىن ءبولۋ تۋرالى شەشىم قابىلدادى.

 بۇل تۋرالى Lenta.ru Reuters اگەنتتىگىنە سىلتەمە جاساپ حابارلادى.

 ازاماتتىق اۆياتسيا ۇشاقتارىن باقىلاۋ ۇشىنگ 1087,7-1092,3 مەگاگەرتس دياپازون بولىنەدى. بۇل جيىلىكتە ADS- B دابىلى بەرىلەدى، ول لاينەردىڭ ناقتى ۋاقىتتا ورنالاسقان جەرىن باقىلاۋعا مۇمكىندىك بەرەدى. بۇل اسىرەسە، جەر ءۇستى رادارلارى اقتاڭداق جەرلەردە: مۇحيت ۇستىندە، جەر پوليۋستەرىندە ازاماتتىق رەيستەرگە مونيتورينگى جۇرگىزۋدە اسا وزەكتى.

مونيتورينگ جۇيەسى 2016 - جىلعى قاراشاعا دەيىن ورناتىلۋى ءتيىس. اۋە كەمەسى ءوزىنىڭ كوورديناتتارى تۋرالى 15 مينۋتتا ءبىر رەت، نەمەسە ەكسترەمالدىق جاعدايلاردا جيىرەك حابار بەرىپ وتىرۋى ءتيىس.

 مونيتورينگ باعدارلاماسىن جۇزەگە اسىرۋ مەرزىمدەرى تۋرالى شەشىم قابىلداۋعا Malaysia Airlines كومپانياسىنىڭ «بوينگ-777» ۇشاعى حابار- وشارسىز كەتكەننەن كەيىن اۆياكومپانيالار مەن رەتتەۋشىلەردى سىناۋ ىقپال ەتتى.

جالپى ەرەجەلەردى كەلىسۋ مەن ازاماتتىق ۇشاقتاردى باقىلاۋ جۇيەسىن ورناتۋدى ب ۇ ۇ مەن ي ك ا و (حالىقارالىق ازاماتتىق اۆياتسيا ۇيىمى) 2009 - جىلى اتلانت مۇحيتىنا Air France ۇشاعى قۇلاعاننان كەيىن شەشتى.

 كۋالا- لۋمپۋردان بەيجىڭگە ۇشىپ شىققان Malaysia Airlines كومپانياسىنىڭ «بوينگ-777» ۇشاعى 2014 -جىلعى 8 - ناۋرىز كۇنگى تۇندە رادار ەكراندارىنان جوعالىپ كەتتى. رەيۋنوننان سىنىقتارى تابىلعانعا دەيىن حابارسىز كەتكەن لاينەر جونىندە ەشقانداي بەلگى تابۋ مۇمكىن بولمادى.