07:31, 12 - قاراشا 2015 | GMT +5
التى بالانى اجالدان امان الىپ قالعان جىگىت جۇرتتىڭ العىسىنا بولەندى - كەسكىن
استانا. قازاقپارات - يوردانيالىق مۇسىلمان جىگىتى ويلاماعان جەردەن قاھارمانعا اينالىپ شىعا كەلدى.
الەۋمەتتىك جەلى قولدانۋشىلارى وعان «اكۆامەن» دەپ ات قويىپ، التى بالانى اجالدان الىپ قالعانى ءۇشىن العىستارىن بىلدىرۋدە.
اممان قالاسىنداعى سۋعا باتقان كوپقاباتتى ءۇيدىڭ تومەنگى قاباتىندا قالىپ قويعان بالالاردى قۇتقارۋ ءۇشىن راكان كتەيشات ەسىمدى جىگىت بارىن سالىپ جانتالاسادى. سارىلداپ اققان سۋمەن تايتالاسا ءجۇرىپ ول تەرەزەنىڭ تەمىر شارباعىن اشۋعا ارەكەت جاسايدى. زورعا دەگەندە تەمىر شارباقتى بوساتقان ول سۋ اعىنىمەن جەرگە قۇلاپ تۇسەدى.
راكان ول جەردەن التى بالانى امان الىپ شىعادى. ولاردىڭ اراسىندا ءبىر جاسقا ەندى تولعان ءسابي دە بولعان. راكان كتەيشات كەيىنىرەك بەرگەن سۇحباتىندا ءوز ومىرىنە تونگەن قاۋىپتى، ءتىپتى ويلاماعانىن ايتادى، دەپ جازادى muslim.kz.
