بۇعىلار قوستانايلىقتارعا شابۋىلىن جيىلەتتى

استانا. قازاقپارات - قوستاناي وبلىسىندا بيىل بۇعىلار ەكى رەت ادامدارعا شابۋىل جاساعان. العاشقى وقيعا قىركۇيەك ايىندا قارابالىق اۋدانىندا بولعان.

ول كەزدە تراكتوردى ءسۇزىپ، جۇرگىزۋشىسىنە ۇمتىلعان جانۋاردى جەرگىلىكتى مال دارىگەرى اتىپ ءولتىرىپ، سىنامالارىن زەرتحاناعا جىبەرگەن ەدى. زەرتحانالىق تەكسەرۋلەر ءتۇز تاعىسىندا قۇتىرما اۋرۋىن انىقتادى. تاپ وسىنداي جاعداي جاقىندا سول جەردە ەكىنشى رەت قايتالاندى.

بۇل جولى جەڭىل كولىككە قارسى شاپقان بۇعى الدىڭعى جانۋاردىڭ جۇبى بولۋى مۇمكىن. ونىڭ دا كوزى جويىلىپ، الىنعان سىنامالارى تەكسەرۋگە جىبەرىلدى. ازىرگە قورىتىندى شىققان جوق. «ورمان جانە ءۇي جانۋارلارى اراسىندا الدىن الۋ شارالارى تۇراقتى وتكىزىلەدى. قاتەر ءورشيدى دەپ قاۋىپتەنۋدىڭ قاجەتى جوق»، - دەيدى وبلىس ۆەتەرينارلارى.

شوقان تاسماعانبەتوۆ، وبلىستىق ۆەتەريناريا باسقارماسىنىڭ ءبولىمى باسشىسى:

- ۇكىمەت تاراپىنان بولىنگەن مالداردان اۋرۋدى انىقتاعان كەزدە ورتەيتىن ارنايى ماشينا بار. ونى ينتسيوناتور دەپ اتايدى. سوندا ورتەلىپ جىبەرىلگەن. قۇلاعان جەرىندە دەزينفەكسيا جاسالىندى.

www.24.kz