استانا تورىندە تاتتىمبەت كۇيلەرى تەربەلدى - كەسكىن
كونسەرت بارىسىندا كۇيشى- كومپوزيتور، شەرتپە كۇي ونەرى مەكتەبىنىڭ نەگىزىن قالاۋشى تاتتىمبەت قازانعاپ ۇلىنىڭ بۇرىن-سوڭدى جاريالانباعان كۇيلەرى ەنگەن CD- ديسك تاراتىلىپ، كۇيشىنىڭ مۇراسىن زەرتتەگەن تۇلعالاردىڭ قۇندى دەرەكتەرى نەگىزىندە جارىققا شىققان فوتوالبوم تانىستىرىلدى. ال سەكەن تۇرىسبەك، مۇحامەدجان تىلەۋحانوۆ، ءبىلال ىسقاق، سارسەنعالي ءجۇزباي، رىمحان ءابىلحان ۇلى سىندى بەلگىلى كۇيشىلەر كونسەرتتىڭ ءسانىن كەلتىردى.
ايتا كەتەيىك، تاتتىمبەت - كۇمبىرلەگەن قوڭىر داۋىستى شەرتپە كۇي ونەرىنىڭ نەگىزىن سالۋشى. ونىڭ «بىلقىلداق» جانە «قوسباسار» كۇيلەرى ە. برۋسيلوۆسكيدىڭ «قىز جىبەك» وپەراسىندا جانە ا. جۇبانوۆ پەن ل. حاميديدىڭ «اباي» وپەراسىندا، «سارىجايلاۋ» كۇيى «جامبىل» فيلمىندە جانە ت. ب. كوپتەگەن كۇيلەرى قازىرگى زامانعى وپەرا، سيمفونيا جانە كامەرالى- اسپاپتى شىعارمالاردا قولدانىلىپ كەلەدى.
اۆتور: كەنجەكەي توقتامۇرات قىزى
