سۇزەگەن سوزدەر

استانا. قازاقپارات - «جاس الاش»  گازەتىنىڭ ساتيرالىق بەتىندە جارىق كورگەن ازىلدەردى ۇسىنامىز.

 - گەرمانيادان نەگە فيلوسوفتار كوپ شىعادى؟ جانە ءبارى دە الەمدىك دەڭگەيدەگى فيلوسوفتار.

- سەن نەمىستىڭ ايەلدەرىن كوردىڭ بە اۋەلى؟ اياق- قولى بالعاداي، ەكى يىعىنا ەكى كىسى مىنگەندەي، بويى ەكى مەترگە جۋىق.. . سەن دە ەرىكسىز فيلوسوف بولىپ كەتەرسىڭ!

 ***

- ستۋدەنتتەر اي سايىن مەملەكەتتەن اقشا الىپ تۇرادى.

وسى اقشا قالاي اتالادى؟

- "تيىن" دەپ اتالادى.

  ***

- مەنىڭ قىزىم ءبي دە بيلەيدى, ءان دە سالادى.

- سىزدىڭ قىزىڭىز، ءسىرا، ءبيشى بولاتىن شىعار.

- ونى قايدان بىلدىڭىز؟ مەنىڭ قىزىمنىڭ بيلەگەنىن كورگەنسىز- اۋ شاماسى؟

- بيلەگەنىن كورگەن ەمەسپىن، ءبىراق ءان سالعانىن ەستىدىم.

 ***

كارى حيرۋرگ جاس حيرۋرگكە اقىل- كەڭەس بەرىپ جاتىر:

- سىز بۇگىن العاش رەت وپەراتسيا جاسايىن دەپ جاتىرسىز. اسىرەسە، سكالپەلگە ساق بولىڭىز. ساۋساعىڭىزدى جارالاپ الۋىڭىز مۇمكىن.

 ***

قارجى مينيسترىنىڭ ارمانى: "بۇكىل زەينەتكەرلەر ءولىپ بىتسە ەكەن".

قورعانىس مينيسترىنىڭ ارمانى: "اسكەري ادامداردان باسقالارى تۇگەل قىرىلىپ قالسا ەكەن".

ەكولوگيا مينيسترىنىڭ ارمانى: "جەر بەتىندە ادام قالماسا ەكەن".

 ***

- ۆوۆا، مامامىز ءبىزدى ولتىرەيىن دەپ ءجۇر ەكەن؟

- ولتىرگەنى قالاي؟ ونى قايدان ءبىلدىڭ؟

- روسپوترەبنادزور كەشە زياندى تاماقتاردىڭ ءتىزىمىن جاريالادى. گازەتتەن كوردىم. وسى تىزىمنىڭ ىشىندە ەكەۋمىز مەكتەپكە باراردا، مەكتەپتەن كەلگەننەن كەيىن جەيتىن تاماعىمىزدىڭ ءبارى ءجۇر.

 

دايىندايتىن ءامىرحان مەڭدەكە