مۇز ويىلىپ، بۇعى ءوسىرۋشىنىڭ ايەلى مەن ەكى قىزى سۋعا كەتتى

استانا. قازاقپارات - قايعىلى وقيعا يامال-نەنەتسك اۆتونومدىق وكرۋگىندە ورىن العان.

ۆىلپوسل كەنتىندە تۇراتىن بۇعى ءوسىرۋشىنىڭ وتباسى وب وزەنىنەن وتپەك بولعان.

جانىندا ءۇش جاسار ۇلى بار 29 جاستاعى رۋسلان مەلەحوۆ موتورلى قاردا جۇرگىشنە زايىبى مەن ەكى قىزى وتىرعان شانانى تىركەپ، سۇيرەتىپ كەلە جاتتى.

كەنەتتەن شانا تىركەلگەن قار كەشكىش قاراڭعىدا مۇزدى سۋعا ءتۇسىپ كەتتى. ەر ادام ۇلىن باسقا جاققا لاقتىرىپ ۇلگەرىپ، ءوزى سۋدان مۇز بەتىنە شىعا الدى. ال ونىڭ 22 جاستاعى زايىبى، بەس جاسار قىزى اليسا جانە سەگىز ايلىق قىزى ساشا وتىرعان شانا سۋ تۇبىنە كەتتى.

سۇڭگۋىرلەر قازا تاپقانداردىڭ مۇردەلەرىن ىزدەپ جاتىر. ولاردىڭ ايتۋىنشا، قايعىلى وقيعا ورىن العان جەردە سۋدىڭ تەرەڭدىگى 12 مەتردى قۇرايدى.