ابايدىڭ «قارا سوزدەرى» موڭعول تىلىنە اۋدارىلدى - فوتو
شارا اياسىندا حاكىم ابايدىڭ موڭعول تىلىنە اۋدارىلعان «قارا سوزدەرى» اتتى كىتابىنىڭ تۇساۋكەسەرى ءوتتى. بۇل تۋرالى قازاقستاننىڭ موڭعولياداعى ەلشىلىگىنىڭ باسپا ءسوز قىزمەتى حابارلادى.
مەرەيتويلىق شاراعا موڭعول ەلىنىڭ قوعام قايراتكەرلەرى، عالىمدار جانە سونداعى قازاق دياسپوراسىنىڭ بەلدى تۇلعالارى، سونداي-اق جەرگىلىكتى بۇقارالىق اقپارات قۇرالدارى وكىلدەرى قاتىستى.
ەلشى قالىبەك قوبلاندين اتالعان كىتاپتى موڭعول تىلىنە اۋدارىپ، سول ارقىلى ەكى مەملەكەت اراسىنداعى دوستاستىقتىڭ دامۋىنا ءوز ۇلەسىن قوسقان عالىم، پروفەسسور، موڭعولياعا ەڭبەگى سىڭگەن دارىگەر مانالجاۆىن شاگدارسۇرەن مىرزاعا جانە شارانى بىرلەسە ۇيىمداستىرۋعا قولداۋ كورسەتكەن موڭعوليا عىلىم اكادەمياسى باسشىلىعىنا العىسىن ءبىلدىردى.
موڭعوليا عىلىم اكادەمياسىنىڭ ۆيتسە-پرەزيدەنتى تۋۆديين دورج قازاق قوعامىندا ۇرپاق تاربيەسىنە باعا جەتپەس ۇلەس قوسىپ كەلگەن اقىننىڭ شىعارماشىلىعى الداعى ۋاقىتتا موڭعول قوعامىن ۇلى ويشىلدىڭ شىعارماشىلىعىمەن تانىسۋعا مۇمكىندىك بەرەتىنىنە سەنىمدى ەكەنىن ايتتى.
سونداي-اق، تۇساۋكەسەر بارىسىندا تاريح عىلىمدارىنىڭ دوكتورى، اكادەميك، قوعام قايراتكەرى قابىش يسلام، پروفەسسور اساي ءرامىش جانە موڭعوليا قوعامىنىڭ بەلگىلى قايراتكەرى، جازۋشى، ديپلومات سۇلتان تاۋكەي شاراعا قاتىستى وڭ پىكىرلەرىن ءبىلدىردى.
قاتىسۋشىلاردىڭ نازارىنا جەرگىلىكتى «ۇندەسنيي شۋۋدان» گازەتىندە ابايدىڭ شىعارماشىلىق ومىرىنە قاتىستى جاريالانعان كولەمدى ماقالا ۇسىنىلىپ، باسقا دا موڭعول تىلىندەگى قازاقستاننىڭ قوعامدىق-
ساياسي جانە ەكونوميكالىق جەتىستىكتەرىنە ارنالعان كىتاپتار مەن بروشيۋرالار تاراتىلدى.
