قازاقستاندا تاس جولعا شىعىپ كوكپار تارتقانداردىڭ ۆيدەوسى جاريالاندى
روليكتىڭ اتاۋىندا وقيعانىڭ الماتى- قاپشاعاي تاس جولىندا بولعانى جازىلعان. الماتى وبلىستىق ءى ءى د وكىلى كوبەيحان نۇراحمەت Tengrinews.kz تىلشىسىنە ۆيدەونى قۇقىق قورعاۋ ورگاندارى ماماندارىنىڭ تەكسەرىپ جاتقانىن حابارلادى.
«بۇل ۆيدەو ءبىزدىڭ نازارىمىزعا الىنىپ، تەكسەرىلىپ جاتىر. ءبىز بۇل وقيعانىڭ راسىندا دا الماتى وبلىسىنىڭ اۋماعىندا بولعانىن نە بولماعانىن جانە قاي كۇنى بولعانىن انىقتاپ جاتىرمىز. كەيىن ءتارتىپ بۇزۋشىلاردىڭ كىم ەكەندەرى انىقتالادى»، - دەدى ول.
ۆيدەودان التى جىگىتتىڭ اتقا ءمىنىپ، جول ۇستىندە شاۋىپ بارا جاتقاندارىن كورۋگە بولادى، ولار اۆتوكولىكتەردىڭ قوزعالىسىنا كەدەرگى كەلتىردى. روليكتىڭ اۆتورى سامات تولەۋحان ۇلى بۇل جايتتى باقىلاپ وتىرعانداردىڭ ءبىرى ونى قازاقتىڭ ۇلتتىق ويىنى كوكپارمەن سالىستىرعانىن جازدى. جىگىتتەردىڭ ويىنعا بەرىلگەندەرى سونشا، اۆتوكولىكتەردىڭ دابىلىن ەلەمەي، جول اپاتى قاۋپىن تۋدىردى.
