قاراعاندىدا تاعى ءبىر لاۋازىمدى تۇلعا قاماۋعا الىندى

قاراعاندى. قازاقپارات - قاراعاندىدا ق ر قارجى مينيسترلىگى رەسپۋبليكالىق كوشپەلى كوميسسياسىنىڭ ءتوراعاسى، جامبىل وبلىسى بويىنشا قارجىلىق باقىلاۋ ينسپەكتسياسىنىڭ باسشىسى قانات تورعوجايەۆ پارا الماقشى بولدى دەگەن كۇدىكپەن ۇستالدى.

بۇل تۋرالى قازىبەك ءبي اۋداندىق سوتىنىڭ باسپا ءسوز حاتشىسى ءاليا جوشيەۆا حابارلادى.

«قاراعاندى ق. قازىبەك ءبي اۋداندىق سوتىنىڭ قاۋلىسىمەن سوت الدى تەرگەۋ ورگاندارى تۇلعالار توبىمەن الدىن الا ءسوز بايلاسۋ ارقىلى ەلەۋلى مولشەردە پارا العانى ءۇشىن كۇدىكتى دەپ تانىعان ق. تورەعوجايەۆقا ەكى اي مەرزىمگە قاماۋدا ۇستاۋ تۇرىندە بۇلتارتپاۋ شاراسىن سانكتسيالادى»، - دەدى ءا. جوشيەۆا.

ونىڭ ايتۋىنشا، بۇلتارتپاۋ شاراسىن تاڭداۋ كەزىندە سوت تاعىلعان قىلمىستىڭ اۋىرلىعىن ەسەپكە الدى. بۇدان باسقا، قاراعاندىدا تۇرعىلىقتى جەرى بولماعان سوڭ، بوي تاسالاۋى مۇمكىن، دەپ سانادى سۋديا.

قاۋلى زاڭدى كۇشىنە ەنگەن جوق، اپەللياتسيالىق ينستاتسيادا شاعىمدانۋعا نە نارازىلىق بىلدىرۋگە بولادى.

ق ر ق ك 366-بابى اۋىر سىبايلاس جەمقورلىق قىلمىسقا جاتادى. كۇدىكتىنىڭ ايىبى دالەلدەنگەن جاعدايدا، وعان پارانىڭ 70 ەسە سوماسى نە 7 دەن 12 جىلعا دەيىن باس بوستاندىعىنان ايىرۋ (مۇلكى تاركىلەنىپ، مەملەكەتتىك قىزمەتتە ءومىر بويى جۇمىس ىستەۋ قۇقىعىنان ايىرا وتىرىپ) جازاسى كەسىلۋى مۇمكىن.

وعان قاتىستى 7- قاراشادا وبلىستىڭ سىبايلاس جەمقورلىققا قارسى قىزمەت قىلمىستىق ءىس قوزعادى.

ونىڭ پارا الۋعا بوپسالاعانى تۋرالى وبلىستىق دەنە شىنىقتىرۋ جانە سپورت باسقارماسىنىڭ قىزمەتكەرى مالىمدەدى. ولار سول مەكەمەدە جەردە بيۋجەت شىعىستارى مەن مەملەكەتتىك ساتىپ الۋدى وتكىزۋگە تەكسەرىس جۇرگىزگەن. ريەۆيزورلار بۇزۋشىلىق انىقتاماعان، الايدا وڭ اكتى جازىپ بەرۋ ءۇشىن سىياقى سۇراعان.