ەلىمىزدە جەمقورلىققا قارسى ۇزدىك ماتەريال جازعان جۋرناليستەر اراسىندا بايقاۋ جاريالاندى

 استانا. قازاقپارات - ەلىمىزدە جەمقورلىققا قارسى ۇزدىك ماتەريال جازعان جۋرناليستەر اراسىندا بايقاۋ جاريالاندى. بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى بريفينگتە ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى مەملەكەتتىك قىزمەت ىستەرى جانە جەمقورلىقتىڭ الدىن الۋ دەپارتامەنتىنىڭ باسشىسى ءالي كومەكبايەۆ ءمالىم ەتتى.

«وسى ايدىڭ باسىندا اگەنتتىك ۇزدىك جۋرناليستىك جۇمىسقا بايقاۋ جاريالادى. ول «ۇزدىك تەليەۆيزيالىق جۇمىس»، «ۇزدىك باسپا جاريالانىمى»، «ۇزدىك ينتەرنەت جاريالانىمى» اتالىمدارى بويىنشا وتەدى. بايقاۋ قورىتىندىسىن كەلەسى ايدىڭ سوڭىندا شىعارۋدى جوسپارلاپ وتىرمىز»، - دەدى ول.

ا. كومەكبايەۆتىڭ سوزىنە قاراعاندا، بايقاۋعا ماتەريالدار وسى ايدىڭ سوڭىنا دەيىن قابىلداناتىن بولادى. وعان 2015 -جىلعى 1 - قاڭتاردان 30 - قاراشاعا دەيىن ب ا ق- تاردا جاريالانعان ماقالالار، تەلەديداردان شىعارىلعان بەينەماتەريالدار مەن ارنايى باعدارلامالار سيكلدەرى جىبەرىلەدى.

اتالعان ءىس- شارانىڭ نەگىزگى ماقساتى - بۇقارالىق اقپارات قۇرالدارىنىڭ ۇزدىك جاريالىمدارى ارقىلى قوعامدىق ساناعا اسەر ەتىپ، جۇرتشىلىقتىڭ سىبايلاس جەمقورلىققا قارسى مادەنيەتىن جوعارلاتۋ جانە قۇقىق بۇزۋشىلىقتارعا مۇلدەم توزبەۋشىلىك احۋالىن قالىپتاستىرۋ. بايقاۋعا رەسپۋبليكالىق جانە وبلىستىق ب ا ق- تار، ينتەرنەت- پورتالداردىڭ رەداكسيالارى، سونداي- اق جەكەلەگەن اۆتورلار، جۋرناليستتەر قاتىسا الادى.

 اۆتور: مارلان جيەمباي