بەيجىڭدە «ءبىز جانە ءسىز: قىتاي مەن قازاقستان تۋرالى تاريح» كىتابى تانىستىرىلدى - فوتو

بەيجىڭ. قازاقپارات - ق ح ر- داعى ق ر ەلشىلىگىنىڭ عيماراتىندا وتكەن قىتايداعى قازاقستان دوستار كلۋبىنىڭ قۇرىلتايشى وتىرىسىندا ورتالىق ازيا ەلدەرىمەن قىتاي دوستىق قوعامى ءتوراعاسىنىڭ ورىنباسارى،

 ق ر- داعى ق ح ر بۇرىنعى ەلشىسى چجوۋ سياوپەيدىڭ جالپى رەداكسياسىمەن قىتاي قۇرىلىق ارالىق باسپا شىعارعان «ءبىز جانە ءسىز: قىتاي مەن قازاقستان تۋرالى تاريح» اتتى كىتابى تانىستىرىلدى.

 «مەن كورنەكتى قىتاي ديپلوماتى، دوسىم، ەلشى چجوۋ سياوپەيدىڭ بۇل كىتاپتى شىعارۋ باستاماسىن قۇپتايمىن. كىتاپتىڭ وقىرماندارى ەكى مەملەكەت دوستىعى جانە ولاردىڭ اراسىنداعى ىنتىماقتاستىق جايلى پايدالى اقپارات الاتىنىنا ەش كۇمانىم جوق. ەلشى چجوۋ سياگوپەي مەن قازاقستاندا جۇمىس ىستەيتىن باسقا دا قىتاي ەلشىلەرى ءبىزدىڭ ەلدەر اراسىندا دوستىق پەن ىنتىماقتاستىقتى دامىتۋعا ەلەۋلى ۇلەس قوستى. سول ءۇشىن دە ولارعا العىسىمىز شەكسىز. بۇل كىتاپ - مەملەكەتتەر اراسىنداعى دوستىقتىڭ ايقىن كورىنىسى بولماق»، - دەپ جازدى كىتاپقا العى سوزدە ق ر پارلامەنتى سەناتىنىڭ ءتوراعاسى ق. توقايەۆ.

كىتاپ ورىس، قىتاي تىلىندە، ءۇش بولىمنەن تۇرادى: دوستىق، ىنتىماقتاستىق، ەستەلىك. وعان 22 قازاقستاندىق جانە قىتايلىق اۆتورلار كىرەدى.

 ەسكە سالساق، «قىتايداعى قازاقستان دوستار كلۋبىنىڭ» قۇرىلتايشى وتىرىسىنا ق ح ر سىرتقى ىستەر ءمينيسترىنىڭ ورىنباسارى، ق ر- داعى ق ح ر بۇرىنعى ەلشىسى چەن گوپين (Cheng Guoping)، ق ح ر بۇرىنعى تۇراقتى سىرتقى ىستەر ءمينيسترىنىڭ ورىنباسارى تيان سزەنپەي (Tian Zengpei)، ق ر- داعى ق ح ر العاشقى ەلشىسى، ق ح ر سىرتقى ىستەر ءمينيسترىنىڭ بۇرىنعى ورىنباسارى چجان دەگۋان (Zhang Deguang)، قىتاي مەن ورتالىق ازيا دوستىق قوعامى ءتوراعاسىنىڭ ورىنباسارى، ق ر- داعى ق ح ر بۇرىنعى ەلشىسى چجوۋ سياوپەي (Zhou Xiaopei)، جازۋشى- ديپلوماتتار قاۋىمداستىعىنىڭ ءتوراعاسى ساي فانبو (Cai Fangbo)، ق ح ر بۇرىنعى ەلشىسى چەن دي (Chen Di)، جازۋشى- ديپلوماتتار قاۋىمداستىعى ءتوراعاسىنىڭ تۇراقتى ورىنباسارى ليۋ سينشەن (Liu Xinsheng)، شىنجاڭ  ق ك پ تۇراقتى كوميتەتىنىڭ مۇشەسى عانيبەت سابكەي ۇلى، قىتاي ساياسي كونسۋلتاتيۆتىك كەڭەسىنىڭ مۇشەسى، بەلگىلى جازۋشى اكبار ماجيت جانە ت. ب. قىتايدىڭ كورنەكتى مەملەكەتتىك قايراتكەرلەرى قاتىستى.

 قىتاي تاراپىنان تاعى دا قىتاي حالىقتىق شەتەلمەن دوستىق قوعامىنىڭ باسشىلارى، قىزمەتكەرلەرى، اسپان استى عىلىمي ورتا وكىلدەرى، س ءى م، دامۋ جانە رەفورمالار ىستەرى مەملەكەتتىك كوميتەتى، كوممەرتسيا كوميتەتى، ب ا ق، باسقا دا ىسكەرلىك ورتا قاتىستى.

 قازاقستاننان ق ر سىرتقى ىستەر ءمينيسترىنىڭ ورىنباسارى اسقار مۋسينوۆ، ق ح ر قر- داعى توتەنشە جانە وكىلەتتى ەلشىسى شاحرات نۇرىشيەۆ، ق ر س ءى م ورتالىق اپپاراتىنىڭ، قىتايداعى قازاقستاندىق ديپلوماتيالىق وكىلدىگىنىڭ قىزمەتكەرلەرى قاتىستى.