سارى اعاشتىقتار ءجۇزىم جيناۋدان رەكورد جاسادى

استانا. قازاقپارات - سارى اعاش اۋدانىندا وتكەن «التىن كۇز-2015» مەرەكەسىندە ءبىرقاتار ەڭبەك مايتالماندارى ماراپاتتالعان بولاتىن.

وندا قاپلانبەك اۋىل وكرۋگىنەن «باحادۋر» شارۋا قوجالىعىنىڭ يەسى ب. راشيدحودجايەۆتىڭ ەڭبەگى ەرەكشە اتالدى.

شارۋا ءوزىنىڭ 1,5 گەكتار ءجۇزىم القابىنان 55 توننا ءونىم العان. 1998-جىلى قۇرىلعان شارۋا قوجالىقتىڭ نەبارى 4 گەكتار عانا جەرى بار. جۇزىمنەن قالعان جەرىنە كوشەت، كوكونىس ءوندىرىپ ساتادى. قاپلانبەك - «قاپلانبەك» ماركالى شارابىمەن كەشەگى كەڭەس وداعىنا ايگىلى بولعان اۋىل. بىلتىر بۇل اۋىلدىڭ ءجۇزىم وندىرۋشىلەرى 234 گەكتاردان 2890 توننا ءونىم السا، بيىل بۇل كورسەتكىش ەكى ەسەگە ارتىپ، 5148 توننانى قۇراپ وتىر، دەپ جازادى و ق و اكىمىنىڭ باسپا ءسوز قىزمەتى.