قانات يسلامنىڭ كاسىپقوي بوكستاعى جەتىستىكتەرى «قازاقستان» ۇلتتىق ارناسىنىڭ ۇدايى نازارىندا

استانا. قازاقپارات - «قازاقستان» ر ت ر ك» ا ق قانات يسلامنىڭ كاسىپقوي بوكستاعى قادامىن ۇنەمى قاداعالاپ، ونىڭ قاتىسۋىمەن وتكەن بارلىق سىندارعا اقپاراتتىق قولداۋ كورسەتۋ مۇمكىندىگىن جىبەرىپ الماۋعا تىرىسادى.

سوڭعى كۇندەرى بوكس سۇيەرقاۋىم اراسىندا 7 -قاراشا كۇنى وتكەن قازاقستاندىق بوكسشى قانات يسلام مەن دومينيكاندىق بوكسشى دجوناتان باتيستانىڭ جەكپە-جەگىنە قاتىستى داۋ باسىلار ەمەس. «قازاقستان» ر ت ر ك» ا ق قانات يسلامنىڭ كاسىپقوي بوكستاعى قادامىن ۇنەمى قاداعالاپ، ونىڭ قاتىسۋىمەن وتكەن بارلىق سىندارعا اقپاراتتىق قولداۋ كورسەتۋ مۇمكىندىگىن جىبەرىپ الماۋعا تىرىسادى.

كوپشىلىككە ايان، قانات جەكپە-جەكتەرىنىڭ بارلىعىن شەتەلدە وتكىزىپ ءجۇر. كاسىپقوي بوكستا رەيتينگتىڭ ماڭىزى زور ەكەنى ايان. ال، يسلام بۇل سالاعا جاڭا كەلگەن ادام. ونىڭ ۇزدىك بوكسشىلار تىزىمىندە بار بولعانى 90- ورىندا تۇرعانى جانە بەلگىلى. سول سەبەپتى ازىرشە ول وتكىزگەن كەزدەسۋلەر حالىقارالىق ترانسلياتسيالار تىزىمىنە ىلىنبەۋدە.

قاناتتىڭ جيىرماسىنشى جەكپە-جەگى دە اتالعان سەبەپپەن كوپشىلىك نازارىنان تىس قالدى. 7 -قاراشا كۇنى ماياميدە وتكىزىلگەن بوكس كەشىنىڭ باستى كەزدەسۋى - گانالىق فرەدەريك لوۋسون مەن كەۆين بيزە اراسىنداعى جەكپە-جەك تەك جارتىلاي ورتاق سالماقتاعى IBF title eliminator اتاعىنا تالاس بولاتىن. ال مۇنداي جەكپە-جەكتەر كاسىپقوي بوكس الەمىندە جوعارى باعالانبايدى. سوندىقتان، بوكس كەشى تولىعىمەن كوپشىلىك ءۇشىن قولجەتىمدى تەلەارنا ەمەس، ترانسلياتسيانى الەمگە تاراتۋعا ليتسەنزياسى جوق ينتەرنەت-ارنا ارقىلى عانا كورسەتىلدى.

دەگەنمەن، «قازاقستان» ر ت ر ك» ا ق شىعارماشىلىق ۇجىمى بۇل جەكپە-جەكتى كورەرمەن نازارىنان تىس قالدىرماي، «قازاقستان» ۇلتتىق تەلەارناسىنداعى «بۇگىن جەكسەنبى» تاڭعى باعدارلاماسىندا كەزدەسۋدىڭ قورىتىندىسى جايلى وتانداستارىمىزعا ءبىرىنشى بولىپ حابار جەتكىزدى. ەفير بارىسىندا قاناتپەن تىكەلەي Skype ارقىلى بەينەبايلانىس ۇيىمداستىرىلىپ، سول ارقىلى بوكسشىمىز وزىنە كورسەتكەن قولداۋى ءۇشىن وتانداستارىنا العىس بىلدىرۋگە مۇمكىندىك الدى.

وتاندىق سپورتشىلاردىڭ، سونىڭ ىشىندە كاسىپقوي بوكسشىلارىمىزدىڭ جەتىستىكتەرى «قازاقستان» مەن «Kazsport» ۇجىمىنىڭ ۇنەمى نازارىندا. وسى كۇنگە دەيىن كورەرمەندەرىمىز تەك گەننادي گولوۆكيننىڭ عانا ەمەس، سونىمەن قاتار رومان جايلاۋوۆ، يسا اقبەربايەۆ جانە جانات جاقيانوۆ سەكىلدى جىگىتتەرىمىزدىڭ جارقىن جەڭىستەرىنە كۋا بولدى.

جاقىن كۇندەرى وتاندىق كاسىپقوي بوكسشىلار قاتارىن تاعى ءبىر ازاماتىمىز تولىقتىرماق. ونىڭ شارشى الاڭداعى العاشقى قادامدارىن دا كورەرمەن ءبىز ۇيىمداستىرعان ترانسلياتسيا ارقىلى باعالاي الادى. قاناتتىڭ كەزەكتى جەڭىسىنە ءبىز وتە قۋانىشتىمىز جانە وتانداسىمىزعا كاسىبىندە دە، جەكە ومىرىندە دە جەتىستىكتەرگە جەتە بەرۋگە تىلەكتەسپىز.