ارمان قۋىپ، امەريكاعا اتتانعانداردىڭ ءۇمىتى قانشالىقتى اقتالۋدا؟

استانا. قازاقپارات - مىڭداعان ميگرانت ءۇشىن قيال- عاجايىپتاي كورىنگەن امەريكا!

كىندىك قانى تامعان تۋعان جەرلەرىنەن قونىس اۋدارىپ، ارمان قۋىپ شەتەل اسقان ازاماتتاردىڭ ءۇمىتى شىن مانىندە اقتالىپ جاتىر ما؟

مانحەتتوننان مەتروعا وتىرساڭىز بولعانى، 40 مينۋتتىڭ ىشىندە باسقا الەمگە تاپ بولاسىز. بۇل ازاماتتاردىڭ باسىم بولىگى كەڭەس وداعىنان 70-جىلدارى كوشىپ كەلگەن. ال ميگرانتتاردىڭ ەكىنشى تولقىنى امەريكاعا 80-جىلدارى قونىس اۋداردى. كىشى ودەسسا اتالىپ كەتكەن اۋدان تۇرعىندارى ورىس تىلىندە سويلەپ، بارشامىزعا جاقىن تانىس تاعامداردى تۇتىنادى.

ۆالەنتين، كيەۆتەن كەلگەن تۇرعىن:

- وسى ايماقتا تۇراتىندار ءۇشىن اعىلشىن ءتىلى تىپتەن قاجەت ەمەس. دۇكەن ساتۋشىلارى ورىسشا سويلەيدى، حابارلاندىرۋلار دا ورىس تىلىندە. ءوز باسىم اعىلشىنشا بىرنەشە ءسوز عانا بىلەمىن. ءتىلدى ۇيرەنۋ ويىمدا دا جوق. اۋا رايى جىلى كۇندەرى كورىنىستى تاماشالاۋعا بولادى. دومينو مەن شاحمات ويناۋدى ادەتكە اينالدىرعان ەگدە جاستاعى ادامدار مۇندا بىرنەشە جىل قاتارىنان كەلەدى. الايدا كوبى جۋرناليستەرمەن سۇحباتتاسۋعا نيەتتى ەمەس.

تامارا، مينسكىدەن كەلگەن تۇرعىن:

- باسپانا باعاسى قىمبات. سوندىقتان پاتەر جالداپ تۇرۋعا تۋرا كەلەدى. پاتەر اقىسىن تولەۋ ءۇشىن دە جاقسى جۇمىس تابۋ قاجەت. وسى اۋداندا قازاقستاندىقتاردىڭ قاتارى از. بيىل جازدا گرۋزيندەر وتە كوپ كوشىپ كەلدى. برايتون بيچ ايماعىنا باسىم بولىگى رەسەي، بەلارۋس، ۋكراينا، وزبەكستان، تاجىكستان جانە ارمەنيا ازاماتتارى قونىس اۋدارادى. سونداي-اق جىل سايىن قىرعىزستاننان كەلەتىن ميگرانتتار سانى ارتىپ وتىر.

ياكوۆ، فەرعانادان كەلگەن تۇرعىن:

- مەن برايتون-3-ايماعىندا تۇرامىن. وسى ۋاقىتقا دەيىن ءتۇرلى مەكەمەلەردە جۇمىس ىستەدىم. ءتىپتى، اجەتحانا جۋعان كەزدەرىم دە بولدى. امەريكادا ەشبىر پروبلەماسىز، جايباراقات ءومىر سۇرۋگە بولادى دەگەندى ەستۋشى ەدىك. الايدا بۇل پىكىر شىندىققا جاناسپايدى. برايتون بيچ اۋدانىندا وتكىزگەن بىرنەشە ساعاتتىڭ ىشىندە بار بولعانى ءبىر عانا جەرلەسىمىزدى كەزدەستىردىك. جامبىل وبلىسىنىڭ تۋماسى گۇلدانا سوڭعى 10 جىل بويى استانادا جۇمىس ىستەگەن. كەزەكتى نەسيەسىن وتەي الماعان بويجەتكەن سوسىن ارمان قۋىپ امەريكاعا اتتانعان. بۇل ازاماتتار وزگە ەلدە تۇرعانىمەن، ءوز حالقىنىڭ مادەنيەتى مەن ادەت-عۇرپىن بارىنشا ساقتاپ قالۋعا تىرىسادى. تالاي قيىنشىلىقتى باستان وتكەرگەنىمەن، ەرتەڭگى كۇنگە سەنىممەن قارايدى.

www.24.kz