جاپونيادا ەكىنشى سۋپەركومپيۋتەر قولدانىسقا بەرىلەدى
ول قازىرگىدەن 100 ەسە قۋاتتى. جاڭا قۇرىلعى.
كوبەدە قالاسىندا ورنالاسقان ەسەپتەۋىش عىلىمدار ينستيتۋتىنىڭ تاپسىرىسى بويىنشا جاسالۋدا. بۇل قالانىڭ بيلىگى سوڭعى 10 جىلدا بيومەديتسينالىق كلاستەردى دامىتۋ باعىتىندا جۇمىس ىستەپ كەلەدى. سوندىقتان جاڭا بۋىنداعى ەكىنشى كومپيۋتەر يننوۆاتسيالىق مەديتسينانىڭ جوبالارىن ىسكە اسىرۋعا قولدانىلادى. عالىمدار، دارىگەرلەر، ءدارى-دارمەك وندىرۋشىلەر، يننوۆاتسيالىق قۇرالدار شىعارۋشىلار مەن اقپارتتىق باعدارلامالار ازىرلەۋشىلەر.
ۇزدىك ماماندار كۇش بىرىكتىرىپ، جازىلمايتىن اۋرۋلاردىڭ ەمىن تابۋعا اتسالىسۋدا. ءدال وسى جەردە سۇلۋلىق پەن جاسارتاتىن سۋسىن دايىنداۋدى ويلاستىرۋدا. ءتىپتى ادامنىڭ جاسۋشالارىن باسقاشا باعدارلامالاۋدى دا ىسكە اسىرۋعا دايىن.
كيزو حيساموتو، كوبە قالاسىنىڭ مەرى:
- ءبىزدىڭ قالانىڭ اۋرۋحانالارى شەتەلدەن ناۋقاستاردى قابىلدايدى. ارينە، تەك كوبە ەمحاناسىندا ەمدەۋگە بولاتىنىن عانا. ولار كوممەرتسيالىق باعىتتا پايدا تابۋدى عانا ويلاپ وتىرعان جوق. تەك گۋمانيتارلىق ماقساتتا جۇمىس ىستەيدى.
كوبە قالاسىنداعى بيومەديتسينالىق يننوۆاتسيالىق كلاستەر- عالىمدار زەرتتەۋ جۇرگىزىپ، زەرتحانالاردا سىناقتار وتكىزىپ، ول تابىستى بولىپ جاتسا، تاجىريبە جۇزىندە ىسكە اسىرۋعا ارنالعان ورتالىق. ءدال وسى سەناريي بويىنشا وتكەن جىلى الەمدە العاش رەت وسىرىلگەن باعانالىق جاسۋشالاردى كوزدىڭ ىشكى تور قابىعىنا اۋىستىرۋ وپەراتسياسى جاسالدى. 70 جاستاعى زاعيپقا كوز جانارىن قايتاردى، ال ادامداردا كوز جانارىن قالپىنا كەلتىرۋگە بولاتىندىعى جايلى ءۇمىت پايدا بولدى. بۇگىندە كوبە قالاسى مەديتسينالىق يننوۆاتسيالىق ورتالىققا اينالدى. وندا 7 مىڭ ادام ەڭبەك ەتەدى.
ماساو يمانيشي، كوبە بيومەديتسينالىق يننوۆاتسيالىق كلاستەرىنىڭ باس وپەراتسيالىق ديرەكتورى: - شەتەلدىك جانە باسقا دا كومپانيالاردى تارتۋ ءۇشىن سالىققا بايلانىستى ءارتۇرلى جەڭىلدىكتەر ۇسىنامىز. مىسالى، جىلجىمالى مۇلىككە سالىقتى ازايتۋ نەمەسە 10 جىلعا %90 دىق كاپيتال ۇسىنامىز.
زاماناۋي تەحنولوگيالاردى ىسكە اسىرۋ ءۇشىن سەكۋندىنا 10 كۆادريلليوندى سانايتىنداي كومپيۋتەر قولدانامىز. بۇل ماشينا 83 مىڭ پروتسەسسوردان تۇرادى. كەي كومپيۋتەر قارجى سالاسى بويىنشا ناقتى ەسەپ جاسايدى. سەيسمولوگيا، عارىش، اۆتوكولىك قۇراستىرۋ، ءتىپتى تابيعي اپاتتى ەسكەرتىپ، ادام جۇرەگىنىڭ سوعىسىن دا ەسەپتەيدى.
ەڭ باستىسى، بۇل ماعلۇماتتاردى عالىمدار الەمنىڭ كەز كەلگەن جەرىندە وتىرىپ الا الادى. اكيحيكو وكادا، كوبە قالاسىنىڭ ەسەپتەۋشى عىلىمدار ينستيتۋتىنىڭ باسقارما باستىعى:
- ءبىز نەگىزىنەن زەرتتەۋلەرىمىزدىڭ ناتيجەسى مەن اقپاراتتارىمىزدى بارلىق وقىرماندار ءۇشىن جاريالاپ وتىرامىز. سوندىقتان كەرەكتى بولىپ جاتسا، ول مالىمەتتەردى كەز كەلگەن ادام پايدالانا الادى.
بيومەديتسينا سالاسىنداعى جەتىستىكتەر مەن كلاستەردى قۇرۋ كوبە قالاسىنىڭ تۇرعىندارى ءۇشىن قايتا وركەندەۋ نىشانىنا اينالدى. 20 جىل بۇرىن بولعان جەر سىلكىنىسىنەن كەيىن قالا تولىقتاي قايتا سالىندى، ەندى زاماناۋي تەحنولوگيامەن بىرگە قايتا تۇلەدى.
www.24.kz
