استانانىڭ ۇستازدارىنا «ەرەكشە» جالاقى تولەنۋى مۇمكىن
ايتا كەتەيىك، ءبىلىم باسقارماسى بۇل ۇسىنىستى دەنساۋلىق ساقتاۋ جانە الەۋمەتتىك قورعاۋ ءمينيسترى تامارا دۇيسەنوۆانىڭ قاتىسۋىمەن وتكەن جيىن بارىسىندا جاريا ەتتى.
«مۇعالىمدەرگە جاقسى جالاقى تولەۋ ۇستازداردىڭ دارەجەسىن ارتتىرۋعا، ەلورداداعى مۇعالىمدەرگە ەرەكشە ستاتۋس بەرۋگە باعىتتالعان شارالاردىڭ ءبىرى. جاقسى كورسەتكىشكە جەتىپ وتىرعان ەلوردا ۇستازدارىن وسىلاي ىنتىلاندىرۋ ارقىلى ءبىز استاناداعى ءبىلىم ساپاسىن بۇدان دا جاقسارتا تۇسەمىز»، - دەدى استانا قالالىق ءبىلىم باسقارماسى باسشىسىنىڭ مىندەتىن اتقارۋشى باعلان سماتايەۆا.
ونىڭ ايتۋىنشا، ەلوردا مەكتەپتەرىندەگى ۇستازدىق قىزمەت ەڭ ءبىلىمدى مامانداردى قىزىقتىرا ءبىلۋى كەرەك.
«ۇستازدار بولاشاعى بار، جۇمىسى قىزىقتى جانە ماتەريالدىق جاعدايى جوعارى ورىندارعا تالپىنادى»، - دەدى ب. سماتايەۆا.
بۇل ماسەلەگە قاتىستى ويىن ايتا كەلە تامارا دۇيسەنوۆا: «ءبىز ەڭ اۋەلى ەڭبەكاقى تولەۋ جۇيەسىن بىرىزدەندىرىپ الۋىمىز كەرەك»، - دەدى.
اۆتور: كەنجەكەي توقتامۇرات قىزى
