زينا ءزىلزالا مەن ىندەت شاقىرادى

استانا. قازاقپارات - الماتىدا ءجيى جەر سىلكىنەدى، سەل دە ءالسىن- ءالسىن ۇرەيدى ۇشىرىپ تۇرادى، بودەنە جۇمىرتقاسىنداي بۇرشاقتىڭ  قاۋپى دە سەيىلگەن جوق. تەك الماتى ەمەس، قازاقستاننىڭ كوپتەگەن وبلىستارىندا ءىرى اپاتتار ورىن الىپ، توپان سۋ، اڭ مەن مالدى قىرعان ىندەت كوبەيىپ كەلەدى.

جىلدان- جىلعا جويقىن پالەكەت ەسكەرتۋ جاساپ جاتقان سياقتى سەزىلەدى. بۇل - اپاتتىڭ ءالىبى كەلمەي تۇرعاندا الدىن الىپ، توقتات دەگەن ەسكەرتۋ. ءبىر ولكەگە بالە تەك ۇلكەن كۇنالاردىڭ اشىق جاسالۋىنان كەلەدى. ولار: قۇدايعا سەرىك قوسۋ، زينا جاساۋ، پايىز جەۋ، ت. ب. تاريحي دەرەكتەرگە قاراساق، زيناقورلىقتىڭ سالدارىنان كوپتەگەن ەلدەر جەرمەن جەكسەن بولعان.

الماتىدا زينا جاساۋدىڭ ەركىنسىگەنى، دامىعانى سونشا، قىتىعى كەتكەن قىزدار ەندى كوشەدە تۇرمايدى. قىمبات پاتەرلەر جالداپ، كليەنتىن سوندا كۇتەدى. جۇمىسى جوق قىزدار كۇنىن كورمەككە وسىنداي جولعا باردى دەيتىن بىرەۋگە ايتارىم، باسقاسى بىلاي تۇرسىن، بانكتە جوعارى قىزمەتتە جۇمىس ىستەيتىن قىزدار دا جەتەرلىك ەكەن. ايلىعى شايلىعىنان اساتىن ولاردىڭ باسىنا نە جەتپەيدى؟

جەزوكشەلىكتى زاڭداستىرايىق دەپ قالىڭ جۇرتقا جار سالعاندار اردان ابدەن بەزدى. سالىق تولەيمىز دەپ ۇكىمەتتى قىزىقتىرعىسى كەلەتىنىن قايتەرسىڭ.

جەزوكشە جىگىتتەر دەگەندى ەستىگەندە جاعامىزدى ۇستاعانبىز. ەر دەگەن ەسىمدى يەمدەنگەن بۇكىل بورىكتىلەرگە نەتكەن سىن! ەكى قولعا ءبىر كۇرەك تاۋىپ، ءناپاقاسىن تابۋدىڭ ورنىنا، ايۋاندىقتىڭ تەڭىزىنە تەرەڭىنەن بويلاپ كەتكەن.

ادام دەگەن ارداقتى اتقا يە جاندار نەگە مۇنشالىقتى ازعىندادى؟ جوقشىلىقتان دەي الماسىمىز انىق، دالىرەگى توقشىلىقتان. تاماعى توق ادام ازباي قايتسىن؟ ! ناپسىسىنە قۇل بولعاندار اق پەن قارانى اجىراتا المايدى، مىناۋ كۇنا، مىناۋ حارام دەپ ايىرمايدى. قاسيەتتى قۇراننىڭ «ماريام» سۇرەسىندەگى «بۇل پايعامبارلاردان كەيىن ورىندارىنا نامازدى قويىپ، ناپسىلەرىنە ەرگەندەر كەلدى» اياتى وسىنى مەڭزەسە كەرەك.

اپاتقا وسى جەزوكشەلەر عانا كىنالى مە؟ جو- جوق، ارسىز ىسپەن وسىلار عانا شۇعىلدانادى دەپ ويلاماڭىز. بۇلار كۇناسىن اشىق جاساۋشىلار. ال زينانى جاسىرىن جاساپ، ەل- جۇرتتان جاسىرىپ، ءىشى عانا ءبىلىپ وتىراتىنداردىڭ سانىندا ەسەپ جوق. وزگە قالادان كەلىپ، ج و و- نىڭ جاتاقحاناسىندا نەمەسە جالدامالى پاتەردە تۇراتىن قىزداردىڭ بۇزىلۋى تىم وڭاي. قالانى قويىپ، اۋىلدىڭ وزىندە قازىر ارىن ساقتاي الماعان قىزدار وتە كوپ. جەكە باسىڭ بىلمەيسىڭ عوي، ءبىراق زينادان شىمىرىكپەيتىن ەسكى تانىسىڭمەن سويلەسىپ قالعاندا، قاي اۋىلدىڭ جانە قاي ءۇيدىڭ قىزىنىڭ قىلىعى قانداي ەكەنىن (كىمگە بارىپ جۇرگەنىن) الدىڭا جايىپ سالادى.

جاس ۇرپاق نەگە بۇلاي ءوشىپ جاتقانىن كىم ءبىلسىن؟ ! اتا- انانىڭ تاربيەسى سولاي بولعانى ما؟ "ۇيادا نە كورسەڭ، ۇشقاندا سونى ىلەسىڭ". بالكىم، جامان دوستارىنىڭ اسەرىنەن تۇزدەگى قىلىعى وسىلاي قالىپتاستى ما؟

 

ادامنىڭ ەتى ءولىپ ءبىتتى. اتا- انا ۇل- قىزىنىڭ زياندى ورتادا جامان ىسپەن شۇعىلدانىپ جۇرگەنىن بىلسە دە بىلمەگەندەي جۇرەدى. جاقىن تارتىپ، سويلەسىپ، قاتەلىك قاي جەردەن كەتكەنىن تاۋىپ، تۋرا جولعا سالۋعا تىرىسسا، ابزال بولار ەدى.

قوعامنىڭ وسىناۋ سيقىن جازا بەرگەنمەن، بىتپەيدى. «جاستار وزدەرى بىلەدى» دەيتىندەرگە وسىناۋ ارسىز ءىس - زينانىڭ سوڭىنان كەلەتىن زارداپتارىن ءتىزىپ كورەلىك.

زينا ادامداردىڭ ار- نامىسىنا قول سۇعۋ ءارى قوعام ءومىرىنىڭ باياندىلىعىن شايقايتىن قىلمىس. بالا- شاعاسىنا، جاقىن- تۋىستارىنا جامان ۇلگى كورسەتكەن مۇنداي كىسى ولاردىڭ ابىرويىنا داق ءتۇسىرىپ، سۇيەككە تاڭبا سالادى. زينا ار- نامىستى، ۇياتتى جوق ەتۋمەن قاتار بولاشاق ۇرپاقتىڭ بولاشاعىنا بالتا شابادى. ەر- ازامات ايەلىنە، ايەلى ەرىنە ادال بولماۋى وتباسىندا اۋىر پسيحولوگيالىق احۋال تۋعىزادى.

زينا جاساۋدىڭ اقىرەتتەگى ازابىنا قاتىستى بۇحاريدىڭ ساحيحىندا ءسامۋرا يبن ءجۇندۇبتىڭ پايعامبارىمىزدىڭ (اللا تاعالانىڭ سالەمى بولسىن) ءبىر ءتۇسىن ريۋايات ەتكەن حاديسىن بىلايشا جەتكىزەدى: «تۇسىندە پايعامبارىمىزعا جابىرەيىل مەن ميكايل پەرىشتە كەلدى. بۇدان كەيىنگىسىن پايعامبارىمىز بىلاي اڭگىمەلەدى: «بىرگە كەلە جاتىپ، جوعارعى جاعى تار، استى كەڭ تاندىر سەكىلدى ءبىر نارسەنىڭ قاسىنا كەلدىك. ونىڭ ىشكى جاعىنان ايقايلاعان داۋىستار ەستىلىپ جاتتى. ىشىنە ءۇڭىلىپ قاراعاندا، تىر جالاڭاش ەركەكتەر مەن ايەلدەردى كوردىك. ولاردىڭ تومەن جاعىنا جالىنداپ جانعان وت اكەلىندى. وت ولارعا جاقىنداعان كەزدە جان داۋىستارى شىعىپ، ايقايلاپ جاتتى. مەن: «ۋا، جابىرەيىل، بۇلار كىمدەر؟ » - دەپ سۇرادىم. ول: «بۇلار زينا جاساعاندار. ولاردىڭ ازابى قيامەت- قايىمعا دەيىن وسىلاي جالعاسادى» ، - دەپ جاۋاپ بەردى» .

زينا جاساۋشى زينا جاساعان كەزدە مۇسىلمان بولىپ سانالمايدى. سول ساتتە ودان يمانى شىعىپ كەتەدى. وسى اۋىر كۇنانىڭ اقىرەتتەگى ازابىمەن قاتار وسى دۇنيەدەگى زارداپتارى دا وراسان. جاراتقاننىڭ ادام بالاسىنا جانى اشىپ تىيىم سالعان زينا جاساۋدىڭ ءتۇرلى كەسەلدەرگە جول اشاتىنى بۇگىنگى مەديتسينا دامىعان سايىن ايقىن بىلىنە تۇسۋدە. عاسىر دەرتىنە اينالعان سپيد - وسىنداي ارسىزدىقتىڭ اشى جەمىسى. زينا ءبىر قوعامدا اشىقتان- اشىق جاسالاتىن جاعدايدا، ولاردىڭ اراسىندا وبا ءارى بۇرىنعى حالىقتاردا كەزدەسپەگەن ءتۇرلى اۋرۋلار كەڭ تارالادى.

زينانىڭ سالدارىنان كوزى جاۋتەڭدەگەن مىڭداعان پاك سابيلەر تاستاندى بولىپ، جەتىمدەر ۇيىنە توعىتىلىپ جاتىر. الەم بويىنشا جىل سايىن 32 ميلليون جاساندى تۇسىك جاسالادى ەكەن! بۇل - كۇنىنە 87 مىڭ دەگەن ءسوز. انالار تەك سابيلەرىن عانا ءولتىرىپ قويماي، ءوز اعزالارىنا دا زور زيان كەلتىرۋدە.

زيناقورلاردىڭ بالالارىنىڭ دا بويىندا كوپتەگەن كەسەلدەر تۋىندايدى. مىسالى، مەزگىلىنەن بۇرىن جەتىلۋ، دەنساۋلىعى مەن پسيحيكاسىنداعى اۋىتقۋلار ت. ب. سەكىلدى.

پايعامبارىمىز: «ۋا، مۇسىلماندار، زينادان ساقتانىڭدار! ويتكەنى ونىڭ مىنا التى ۇلكەن زيانى بار. ونىڭ ۇشەۋى وسى دۇنيەدە، ۇشەۋى اقىرەتتە. وسى دۇنيەدەگىلەرى: 1. جۇزدەگى نۇر تايادى. 2. ءومىرى قىسقارادى. 3. كەدەيلىكتەن كوز اشپايدى. ال اقىرەتتەگىلەرى: 1. اللا تاعالانىڭ قاھارىن تۋعىزادى. 2. ەسەبى اۋىر بولادى. 3. جاھاننامدا ازاپتالادى» ، - دەپ، زالالدارىن بايانداپ بەرگەن.

يسلامنىڭ العاشقى جىلدارىندا ءبىر جاس جىگىت اللا ەلشىسىنە كەلىپ:

- ماعان زينا جاساۋ ءۇشىن رۇقسات بەرسەڭىز، - دەيدى. پايعامبارىمىزدىڭ جانىندا وتىرعاندار جىگىتتىڭ ابەس ءوتىنىشىن ەستىگەن ساتتە بىردەن ورە تۇرەگەلىپ، وعان دۇرسە قويا بەردى. سوندا اللا ەلشىسى سابىرلى قالپىن بۇزباي، ونى جانىنا وتىرعىزىپ، بىلاي دەپ سۇرايدى:

- وسىنداي نارسەنىڭ سەنىڭ اناڭا جاسالعانىن قالار ما ەدىڭ؟

- اكە- شەشەم سەنىڭ جولىڭدا قۇربان بولسىن، ۋا، اللانىڭ ەلشىسى، ارينە، قالامايمىن!

- ەشكىم اناسىنا مۇنداي جيىركەنىشتى قىلىقتى قالامايدى. ەگەر سەنىڭ قىزىڭ بولسا، وعان وسىنداي ارەكەت جاساعانىن قالار ما ەدىڭ؟

- جانىم ساعان قۇربان بولسىن، ەي، اللانىڭ ەلشىسى، ەش قالاماس ەدىم!

- ەشبىر جان دا قىزىنا مۇنى تىلەمەس ەدى. ال اپكەلەرىڭە وسىنداي نارسە جاسالعانىن قالار ما ەدىڭ؟

- جوق، پايعامبارىم، مۇنى دا قالامايمىن!

- ەشكىم دە اپكەلەرىنە مۇنداي سوردى قالامايدى. قارىنداستارىڭا شە، ولارعا وسىنداي جاماندىق جاسالعانىن قالار ما ەدىڭ؟

- جو- جوق، قالامايمىن!

- ەشكىم دە قارىنداستارىن قاسىرەتكە دۋشار ەتكىسى كەلمەيدى، - دەگەن اللا راسۋلى قولىن الگى جىگىتتىڭ جۇرەك تۇسىنا قويىپ: «راببىم، مۇنىڭ كۇناسىن كەشىر، جۇرەگىن جاماندىقتاردان تازارت، نامىسىن ساقتاۋعا جاردەمشى بول!» - دەپ دۇعا ەتەدى.

مىنە، وسىلايشا، جىگىتكە اشۋلانباي، ونىڭ ورەكپىگەن كوڭىلىن باسىپ، زيناقورلىقتىڭ جيىركەنىشتى ەكەنىن وسىنداي مىسالدارمەن ءتۇسىندىرىپ، اكەلىك مەيىرىم تانىتىپ، جانىن جەگى قۇرتتاي جەگەن الگى كۇنادان قۇتىلۋى ءۇشىن دۇعا ەتەدى. جاس جىگىت سول ساتتەن باستاپ ءومىرىنىڭ سوڭىنا دەيىن يمانىنا داق تۇسىرمەدى. بۇل حاديستەن ۇعارىمىز ءوز انامىزعا، قىزدارىمىزعا، اپا- قارىنداسىمىزعا قالامايتىن نارسەنى بوتەن ايەلدەرگە قالاماۋىمىز كەرەك.

ءوزىم زينادان اۋلاقپىن دەيتىن ادام اينالاسىن دا تۇزەتۋگە تىرىسپاسا، سولاردىڭ باسىنا كەلگەن اپات ونى دا قوسا الىپ كەتەدى. قول قۋسىرىپ وتىرعاندا، ءوز وتباسىڭنىڭ ءبىر مۇشەسى سول جولعا ىلەسىپ كەتپەسىنە كىم كەپىل؟ ! كوپشىلىك بولىپ، بۇل ارسىزدىقتى سوزىمىزبەن، قولىمىزبەن توقتاتۋعا ۇمتىلايىق.

 

 ميراس كەسەبايەۆ

«الاش ايناسى»